హిట్ 2: నాని మనసులో ఉన్న హీరో ఎవరు?

March 1, 2021 / 03:06 PM ISTByFilmy Focus

Join Us

గత ఏడాది ఫిబ్రవరి 28న వచ్చిన హిట్ సినిమా ఎలాంటి విజయాన్ని అందుకుందో స్పెషల్ గా చెప్పనవసరం లేదు. పెద్దగా అంచనాలు లేకుండా విడుదలైన ఆ సినిమా బాక్సాఫీస్ వద్ద మంచి వసూళ్లను అందుకుంది. విశ్వక్ సేన్ లాంటి ఒక కొత్త హీరోకు మంచి బూస్ట్ ఇచ్చింది. ఇక ఈ సినిమాకు సంబంధించిన సీక్వెల్ పై గత ఏడాది నుంచి అనేక రకాల రూమర్స్ వస్తున్న విషయం తెలిసిందే.

సినిమా వచ్చి ఏడాది కావడంతో నిర్మాతల్లో ఒకరైన హీరో నాని స్పెషల్ గా ట్వీట్ చేస్తూ సీక్వెల్ పై కూడా ఒక క్లారిటీ ఇచ్చే ప్రయత్నం చేశారు. మొత్తానికి సీక్వెల్ అయితే ఉంటుందని చెబుతూ హీరో ఎవరైతే బావుంటుందనే విషయాన్ని అభిమానుల ఊహలకే వదిలేశారు. హిట్ 2 లో విశ్వక్ అయితే కనిపించే ఛాన్స్ లేదని టాక్ గట్టిగానే వస్తోంది. ఇక ఇన్ సైడ్ టాక్ ప్రకారం అడివి శేష్ అని రూమర్స్ వస్తున్నాయి.

క్షణం, గూఢచారి, ఎవరు.. వంటి విభిన్నమైన సస్పెన్స్ థ్రిల్లర్ సినిమాలతో తనకంటూ ఒక ప్రత్యేకమైన గుర్తింపు అందుకున్న అడివి శేష్ హిట్ లాంటి కథలో నటిస్తే అద్భుతంగా ఉంటుందని సోషల్ మీడియాలో ఇప్పటికే ఫ్యాన్స్ నుంచి కామెంట్స్ వస్తున్నాయి. ఇటీవల అడివి శేష్ నానితో కూడా చర్చలు జరిపినట్లు టాక్ వస్తోంది. చూడాలి మరి హిట్ 2 కేసును ఎవరు ఇన్వెస్టిగేట్ చేస్తారో..?