Rakshasudu2: ‘రాక్షసుడు2’లో నటించే స్టార్ హీరో ఇతనేనా..!

తమిళంలో సూపర్ హిట్ అయిన ‘రాట్ససన్’ ను తెలుగులో బెల్లంకొండ సాయి శ్రీనివాస్ తో ‘రాక్షసుడు’ గా రూపొందించాడు దర్శకుడు రమేష్‌ వర్మ. హిట్లు లేక బ్రేక్ తీసుకున్న రమేష్ వర్మ.. మళ్ళీ బిజీ అవ్వడానికి కారణం ఈ రీమేక్ మూవీనే అని చెప్పాలి..! తెలుగులో కూడా ఈ చిత్రం సక్సెస్ అందుకుంది. రవితేజతో ‘ఖిలాడి’ వంటి యాక్షన్ మూవీ చేసే అవకాశాన్ని రమేష్ వర్మకి దక్కేలా చేసింది కూడా ఈ రీమేకే అని చెప్పాలి.

అయితే ‘ఖిలాడి’ షూటింగ్ దశలో ఉండగానే తన నెక్ట్స్ మూవీని కూడా అనౌన్స్ చేసాడు రమేష్ వర్మ. ‘రాక్షసుడు’ కి సీక్వెల్ గా ‘రాక్షసుడు2’ ని తెరకెక్కిస్తున్నట్టు ఈరోజు ప్రకటించారు. ఓ పోస్టర్ ను కూడా విడుదల చేశారు. అయితే ఈ చిత్రంలో హీరో ఎవరనేది అనౌన్స్ చేయలేదు.ఓ స్టార్‌ హీరో ఇందులో నటిస్తున్నట్టు పేర్కొన్నారు కానీ ఎవరు అనేది రివీల్ చేయలేదు. బెల్లంకొండ సాయి శ్రీనివాస్ ‘ఛత్రపతి’ రీమేక్ తో బిజీగా ఉన్నాడు తర్వాత ‘కర్ణన్’ రీమేక్ లో కూడా అతను నటించాల్సి ఉంది కాబట్టి..

ఇప్పట్లో అతని ఖాళీ అయ్యే అవకాశం లేదు. మరోపక్క రవితేజ పేరు కూడా వినిపిస్తుంది. ఆల్రెడీ రమేష్ వర్మ.. రవితేజతో ‘ఖిలాడి’ చేస్తున్నాడు కాబట్టి వెంటనే ఆ హీరోతో చేసే అవకాశాలు కూడా తక్కువే.అలాగే సునీల్, నాని, నితిన్, శర్వానంద్.. వంటి హీరోల పేర్లు కూడా వినిపిస్తున్నాయి. చూడాలి మరి ఎవరు ఫైనల్ అవుతారో? ఇదిలా ఉండగా.. ఈ చిత్రానికి స్టార్ మ్యూజిక్ డైరెక్టర్ దేవి శ్రీ ప్రసాద్‌ తమ్ముడు సాగర్‌ డైలాగ్స్‌ అందిస్తుండడం ఓ విశేషంగా చెప్పుకోవాలి.

Most Recommended Video

పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్