సందీప్ రెడ్డి వంగా నెక్స్ట్‌సినిమా ఏంటి? ప్రభాస్‌ సినిమాల లైనప్‌ను ఫాలో అయ్యేవాళ్లకు ఈ ప్రశ్నకు సమాధానం చెప్పడం చాలా ఈజీ. ఎందుకంటే చాలా నెలల క్రితమే వాళ్లిద్దరి కాంబోలో ఓ సినిమా అనౌన్స్ అయ్యింది. ‘స్పిరిట్‌’ అనే పేరుతో ముంబయిలోని ఓ డార్క్‌సైడ్‌ను సినిమాగా చూపిస్తాం అని చెప్పేశారు. ఇందులో ప్రభాస్‌ పోలీసుగా కనిపిస్తాడని టీజర్‌ లుక్‌లో చెప్పేశారు. ఇంత క్లారిటీ ఉన్నా… ఓ విషయంలో తాజాగా క్లారిటీ మిస్ అవుతోంది. అదే ఇప్పుడ చర్చనీయాంశంగా మారింది.
సందీప్ రెడ్డి వంగా – ప్రభాస్‌ కాంబోలో తెరకెక్కుతున్న ఆ సినిమాను టీ సిరీస్ నిర్మించనుంది. అయితే తెలుగులో ఆ సినిమాకు పార్టనర్‌ ఎవరు అనేది తాజాగా ప్రశ్న. మామూలుగా అయితే ఈ సినిమాకు తెలుగులో యూవీ క్రియేషన్స్‌ నిర్మాణ భాగస్వామిగా ఉండాలి. కానీ ‘ఆదిపురుష్’ తర్వాత లెక్కలు మారాయి. ఆ సినిమాను పీపుల్ మీడియా కైవసం చేసుకుంది. ఈ క్రమంలో తర్వాత వచ్చే సినిమాల్లో ఒకటి వారికే అందేలా డీల్‌ కుదుర్చుకున్నారట. దీంతో ఆ ఒక్క సినిమా ‘స్పిరిట్‌’ అని అంటున్నారు.
‘సలార్‌’ సినిమా తెలుగు హక్కులు విషయం ఇప్పటికే తేలిపోయింది. ఆ సినిమాలో మైత్రీ మూవీ మేకర్స్‌ భాగమైంది. దీంతో ‘స్పిరిట్‌’ సినిమానే ఆ సినిమా అంటున్నారు. ఈ లెక్కన ‘స్పిరిట్‌’ కొత్త పోస్టర్‌లో మార్పులు ఉంటాయి అని చెబుతున్నారు. ఒకవేళ ఇదే నిజమైతే పీపుల్ మీడియా జాక్‌పాట్ కొట్టినట్లే. ‘యానిమల్’ సాధించిన విజయం నేపథ్యంలో ‘స్పిరిట్‌’ (Spirit) మీద భారీ అంచనాలే వస్తాయి. వాటిని అందుకుంటే వంద కోట్లాభిషేకం బాక్సాఫీసు దగ్గర పక్కా.
ఇక ఈ సినిమా సంగతి చూస్తే… ‘యానిమల్’ను మించి వయెలెన్స్ ఈ సినిమాలో ఉంటుంది అని చెప్పకనే చెప్పారు సందీప్ రెడ్డి వంగా. భయానికి భయం పుట్టించే పాత్రలో ఆ సినిమాలో ప్రభాస్‌ కనిపిస్తాడట. ముంబయిలోని మద్యం కల్తీ, అక్రమ రవాణా తదితర అంశాల నేపథ్యంలో ఈ సినిమా ఉంటుందట. అక్టోబరులో సినిమా షూటింగ్ ప్రారంభమయ్యే అవకాశాలు ఉన్నాయి.
హాయ్ నాన్న సినిమా రివ్యూ & రేటింగ్!!
‘ఎక్స్ట్రా ఆర్డినరీ మెన్’ సినిమా రివ్యూ & రేటింగ్!
టాలీవుడ్ స్టార్ హీరోయిన్స్ లో దాగున్న టాలెంట్స్ ఏంటో తెలిస్తే షాక్ అవ్వాల్సిందే..!
