అఖిల్ అందుకే తొందరపడుతున్నాడా ??

30 నిండి 35కి చేరువవుతున్న యువ కథానాయకులు చాలా మంది ఉన్నారు మన సినిమా ఇండస్ట్రీలో. కానీ.. వారెవరికీ లేని కంగారు పెళ్లి విషయంలో అఖిల్ చూపిస్తుండడం అందర్నీ ఆశ్చర్యానికి గురి చేసింది. తన అన్నయ్య నాగచైతన్య ఇంకా ప్రేయసి సమంతతో సరదాగా సమయం గడుపుతుండగా.. అఖిల్ మాత్రం అర్జెంటుగా ఎంగేజ్ మెంట్ చేసేసుకొన్నాడు. ఇంత కంగారుగా ఎంగేజ్ మెంట్ చేసుకోవాల్సిన అవసరం ఏమొచ్చింది? వచ్చే ఏడాది ప్రదమార్ధంలో పెళ్ళికి ముహూర్తాలు కూడా పెట్టించేసుకొంటున్నాడీ అక్కినేని అందగాడు? అంటూ పైకి అడక్కపోయినా మనసులో సందేహపడుతూనే ఉన్నారు అక్కినేని అభిమానులు, ఇండస్ట్రీ పెద్దలు. దీని వెనుక పెద్ద రాజకీయ కుట్రలు గట్రా లేకపోయినా.. అఖిల్ భయమే కారణమని తెలుస్తోంది.

నిజానికి అఖిల్ ఇంకో నాలుగేళ్ల వరకూ పెళ్లి మాట ఎత్తకపోయినా ఎవరూ పెద్దగా పట్టించుకోరు. మనోడి వయసు అలాంటిది.. మొన్నే 22 ఏళ్ళు నిండాయి. కానీ.. తనకంటే వయసులో నాలుగేళ్ళు పెద్దదైన శ్రేయ భూపాల్ ను ప్రేమించేసి పెళ్ళికి కూడా రెడీ అయిపోయాడు. అసలు అఖిల్ కంగారు పడుతున్నది కూడా శ్రేయ వయసు విషయంలోనేనట. శ్రేయ తనకంటే నాలుగేళ్ళు పెద్దది కావడం, ఒకవేళ తనకు 25/26 ఏళ్ళు వచ్చే వరకూ ఆగితే అప్పటికి శ్రేయకు 30 వచ్చేస్తాయి. ఇప్పుడంటే పెద్దగా ఎవరూ పట్టించుకోలేదు కానీ.. 30 ఏళ్ల శ్రేయను 26 ఏళ్ల అఖిల్ పెళ్లి చేసుకొంటానని ప్రకటిస్తే మీడియా మాత్రమే కాదు యావత్ ప్రపంచం అఖిల్ ను దెప్పిపొడవడమే కాక శ్రేయ భూపాల్ “జీవీకే” సంస్థ అధిపతికి ఏకైక కుమార్తె కావడంతో “ఆస్తి” కోసం పెళ్లి చేసుకొంటున్నాడనే అపవాదు కూడా పడే అవకాశం ఉంది. అందుకే ఆ గోలంతా ఎందుకురా బాబు అనుకోని 22 ఏళ్లకే పెళ్లి పీటలెక్కడానికి సిద్ధమైపోయాడు అక్కినేని సుందరాంగుడు. చిన్నోడే అయినా భలే ఆలోచించాడు!

Also, do SUBSCRIBE to our YouTube channel to get latest Tollywood updates.