అల్లు ఆరవింద్ లెక్కల్లో నిజం ఎంత??

టాలీవుడ్ లో దాదాపుగా 9ఏళ్ల ముందు కనిపించిన మెగాస్టార్ చిరంజీవి మళ్లీ బాస్ ఈజ్ బ్యాక్ అంటూ తన సెకెండ్ ఇన్నింగ్స్ ను మొదలు పెట్టాడు….రీ ఎంట్రీ కుడా చాలా గ్రాండ్ గా ప్లాన్ చేసుకున్నాడు…అదే క్రమంలో ప్రముఖ దర్శకుడు వినాయక్ ను ఎంచుకుని మరీ ప్రయోగాలకు పని చెప్పకుండా సొంత కధను ప్లాన్ చెయ్యకుండా ఫక్తు తమిళ కధను మక్కికి మక్కి దించి మరీ సినిమాను హిట్ కొట్టాడు….సినిమా టాక్ ఎలా ఉన్నప్పటికీ సినిమా కలెక్షన్స్ మాత్రం దుమ్ము దులుపుతున్నాయి అని అభిమానులు చెప్పుకుంటున్నారు….అయితే ప్ర్యాక్టికల్ గా మాట్లాడుకుంటే మాత్రం సినిమా కొంచెం నెగేటివ్ టాక్ సంపాదించుకుంది అన్నది ఎవ్వరు ఒప్పుకున్నా…ఒప్పుకోకపోయినా వాస్తవం…ఇదిలా ఉంటే నిర్మాత అల్లు ఆరవింద్ పదే పదే ప్రెస్ మీట్ పెట్టి మరీ కలెక్షన్స్ చెప్పడం ఏదో తెలియని సందేహాలని రేపుతుంది.

విషయంలోకి వెళితే….సంక్రాంతి బరిలో దిగిన ఖైదీ150 మూవీ కలెక్షన్ల సునామీతో బాక్సాఫీస్ రికార్డుల్ని బ్రేక్ చేస్తోంది అని ఫాన్స్ వాదన. అదే క్రమంలో వంద కోట్ల మార్క్ ను క్రాస్ చేసింది అని ఫాన్స్ ఇప్పటికే ప్రచారం మొదలు పెట్టిన వేళ.. తాజాగా అల్లు అరవింద్ మీడియా సమావేశాన్ని ఏర్పాటు చేశారు. ఫస్ట్ వీక్ కలెక్షన్లు ఆయన వివరించారు. ఆ వివరాలు ఇలా ఉన్నాయి….రెండు తెలుగు రాష్ట్రాల్లో ఖైదీ రూ.76.15 కోట్ల కలెక్షన్ ను వసూలు చేసిందని వెల్లడించారు. టాలీవుడ్ లో ఫాస్టెస్ట్ వంద కోట్ల మార్క్ ను క్రాస్ చేసిన తెలుగు మూవీ ఖైదీగా ఆయన అభివర్ణించారు. చిరు 150 సినిమాకు వినాయక్ అయితేనే న్యాయం చేయగలరని అనుకున్నామని.. దాన్ని ఆయన నిజం చేసినట్లుగా చెప్పారు. మొత్తానికి అల్లు గారి మాటల్లో నిజం ఎంత ఉందో తెలీదు కానీ…ఇవి ఫేక్ కలెక్షన్స్ అంటూ ఆన్‌లైన్ లో రచ్చ చేస్తున్నారు ఇతర హీరోల అభిమానులు.

Also, do SUBSCRIBE to our YouTube channel to get latest Tollywood updates.