Allu Arjun, Pawan Kalyan: పవన్, బన్నీ మధ్య దూరం పెరిగిందా?

March 2, 2022 / 02:30 PM ISTByFilmy Focus

Join Us

Allu Arjun, Pawan Kalyan: పవన్, బన్నీ మధ్య దూరం పెరిగిందా?

అల్లు అర్జున్ నటించిన పుష్ప ది రైజ్, పవర్ స్టార్ పవన్ కళ్యాణ్ నటించిన భీమ్లా నాయక్ సినిమా రెండు నెలల గ్యాప్ లో థియేటర్లలో విడుదలయ్యాయి. పుష్ప ది రైజ్ బాలీవుడ్ లో కూడా బ్లాక్ బస్టర్ హిట్ గా నిలవడంతో ఏకంగా 146 కోట్ల రూపాయల షేర్ కలెక్షన్లను సొంతం చేసుకోగా భీమ్లా నాయక్ నాలుగు రోజుల్లోనే 70 కోట్ల రూపాయలకు పైగా షేర్ కలెక్షన్లను సాధించింది. భీమ్లా నాయక్ హిందీ వెర్షన్ త్వరలో రిలీజ్ కానుంది.

హిందీలో కూడా భీమ్లా నాయక్ సక్సెస్ సాధిస్తే మాత్రం పుష్ప ది రైజ్ కలెక్షన్లు బ్రేక్ అయ్యే అవకాశాలు అయితే ఉంటాయి. అయితే భీమ్లా నాయక్ సక్సెస్ గురించి మెగా హీరోలు స్పందిస్తుంటే బన్నీ మాత్రం స్పందించడం లేదు. మెగా హీరోలతో పాటు ఇతర హీరోల నుంచి కూడా భీమ్లా నాయక్ కు పాజిటివ్ కామెంట్లు వ్యక్తమవుతున్నాయి. బన్నీ ఈ సినిమా గురించి స్పందించి ఉంటే బాగుండేదని పవన్ ఫ్యాన్స్ అభిప్రాయపడుతున్నారు.

Allu Arjun With Pawan Kalyan

గతంలో బన్నీ చెప్పను బ్రదర్ అంటూ పవన్ కళ్యాణ్ అభిమానులకు భారీ షాక్ ఇచ్చిన సంగతి తెలిసిందే. బన్నీ మరికొన్ని రోజుల తర్వాత భీమ్లా నాయక్ గురించి పోస్ట్ పెట్టినా విమర్శలు వ్యక్తమయ్యే అవకాశం ఉంటుంది. వరుస విజయాలతో జోరుమీదున్న బన్నీ అందరు హీరోల అభిమానులను కలుపుకొని పోవాలని నెటిజన్ల నుంచి కామెంట్లు వ్యక్తమవుతున్నాయి. పవన్ సినిమా గురించి బన్నీ స్పందించకపోతే పవన్ అభిమానుల దృష్టిలో బన్నీపై నెగిటివ్ ఒపీనియన్ ఏర్పడే ఛాన్స్ ఉంది.

బన్నీ హీరోగా తెరకెక్కిన పలు సినిమాల ఈవెంట్లకు పవన్ హాజరు కావడంతో పాటు బన్నీని ప్రోత్సహించిన సంగతి తెలిసిందే. బన్నీ త్వరలో పుష్ప ది రూల్ సినిమా పనులతో బిజీ కానున్నారు. ఈ ఏడాది డిసెంబర్ లోనే పుష్ప ది రూల్ సినిమాను రిలీజ్ చేయాలని బన్నీ భావిస్తున్నారు. ఈ సినిమా అనుకున్న విధంగా రిలీజవుతుందో లేదో చూడాల్సి ఉంది. సుకుమార్ పుష్ప ది రూల్ కోసం తీవ్రంగా శ్రమిస్తున్నారు.