Charmi: ‘లైగర్’ వివాదాలపై ఛార్మీ మౌనం ఎందుకో..

ఏం నడుస్తుంది? అనడిగితే ఫాగ్ నడుస్తుంది అని చెప్పే యాడ్స్ అప్పట్లో బాగా పాపులర్ అయ్యాయి. ఇప్పుడు టాలీవుడ్‌లో ఏం జరుగుతుంది? అంటే.. ‘లైగర్’ ఇష్యూ నడుస్తోంది. డాషింగ్ డైరెక్టర్ పూరీ జగన్నాథ్ దర్శక నిర్మాతగా, భారీ అంచనాలతో తెరకెక్కించి పాన్ ఇండియా ‘లైగర్’ కొత్త కష్టాలు తెచ్చిపెట్టింది. గతకొద్ది రోజులుగా ఈ టాపిక్ మీడియాలో, ఫిలిం సర్కిల్స్‌లో చక్కర్లు కొడుతోంది. ఫస్ట్ పూరీ ఆడియో లీక్, తర్వాత ‘లైగర్’ ఫైనాన్షియర్ శోభన్ బాబు, నైజాం డిస్ట్రిబ్యూటర్ వరంగల్ శ్రీనుల మీద పూరీ కేసు పెట్టడం..

వాళ్లిద్దరి తనను బెదిరిస్తున్నారని, వాళ్ల వల్ల తన కుటుంబానికి హానీ ఉందని పేర్కొనడంతో.. పోలీసులు పూరీ ఇంటి వద్ద భద్రత ఏర్పాటు చేశారు. పూరీ మీద కూడా కేసు పెట్టి, కోర్టులో తేల్చుకునే దిశగా శోభన్, శ్రీను ప్లాన్ చేస్తున్నారని తెలుస్తోంది. కట్ చేస్తే.. ఇప్పుడు ‘వేర్ ఈజ్ ఛార్మీ?’ అంటూ నెట్టింట పోస్టులు చక్కర్లు కొడుతున్నాయి. పూరి – ఛార్మీ ఇద్దరూ పార్ట్‌నర్స్‌గా సినిమాలు చేశారు. కలిసి కష్టపడ్డారు. నష్టపోయినా ‘ఇస్మార్ట్ శంకర్’ తో తిరిగి ఫామ్‌లోకి వచ్చారు.

ఇద్దరికీ ఇస్మార్ట్ మంచి బూస్టప్ ఇచ్చింది. వచ్చిన లాభాలతో చెరో కొత్త కార్ కొనుకున్నారు. ‘లైగర్’ కి కూడా తెరవెనుక వ్యవహారాలన్నీ ఛార్మీనే దగ్గరుండి చూసుకుంది. ఇంతకుముందు పూరీ కష్టాల్లో ఉన్నప్పుడు ఛార్మీ అండగా ఆయన పక్కనే నిలబడింది.. పూరీ కనెక్ట్స్ పేరు చెప్పగానే.. పూరి, ఛార్మీనే గుర్తొస్తారు. అలాంటి ఛార్మీ.. ‘లైగర్’ తర్వాత పత్తా లేదు. పార్ట్‌నర్ పూరీ విషయంలో ఇంత జరుగుతున్నా కానీ ఛార్మీ బయటకి రాలేదు..

రాకపోతే రాకపోయింది.. కనీసం ఓ ట్వీట్ అయినా వెయ్యొచ్చుగా అనుకుంటే.. సోషల్ మీడియాకి కొద్ది కాలం దూరంగా ఉంటానని చెప్పింది కాబట్టి.. ఆమె ఎక్కడుంది? అనేది మిస్టరీగానే మిగిలిపోయింది. నెట్టింట వైరల్ అవుతున్న ఈ వార్తలు చూసి అయినా ఛార్మీ రెస్పాండ్ అవుతుందేమో చూడాలి..

జిన్నా సినిమా రివ్యూ& రేటింగ్!

Most Recommended Video

ఓరి దేవుడా సినిమా రివ్యూ & రేటింగ్!
ప్రిన్స్ సినిమా రివ్యూ & రేటింగ్!
అత్యధిక కేంద్రాల్లో సిల్వర్ జూబ్లీ ప్రదర్శించబడిన సినిమాల లిస్ట్ ..!