‘గేమ్ ఛేంజర్’ (Game Changer) సినిమా ప్రమోషన్స్ మొదలయ్యాయి. ఆల్రెడీ రెండు పాటలు రిలీజ్ అయ్యాయి. వాటికి మొదట నెగిటివ్ రెస్పాన్స్ వచ్చినప్పటికీ.. బాగా వైరల్ అయ్యాయి. సెకండ్ సాంగ్ ని హైదరాబాద్లో లాంచ్ చేశారు. దీని కోసం ఒక ఈవెంట్ ను కూడా కండక్ట్ చేశారు. అయినా అవి అభిమానుల్లో జోష్ నింపలేదు.ఎందుకంటే ఆ సాంగ్ ఈవెంట్ కి రాంచరణ్ (Ram Charan) వెళ్ళలేదు. సరే తాజాగా టీజర్ లాంచ్ వేడుకని లక్నోలో నిర్వహించారు.
‘ఆర్.ఆర్.ఆర్’ (RRR) సినిమాని ఎగబడి చూసి.. ‘అల్లూరి సీతారామరాజు పాత్రని రాముడి పాత్రగా భావించింది’ ఇక్కడి జనాలే. అందుకే టీజర్ లాంచ్ ని ఇక్కడ నిర్వహించడం జరిగింది. జనాలు కూడా బాగానే వెళ్లారు. ఈ ఈవెంట్ కి మంచి రెస్పాన్స్ వచ్చింది. అయితే దీనికి దర్శకుడు శంకర్ (Shankar) వెళ్ళలేదు. ‘ఆయన బిజీగా ఉండటం వల్ల రాలేకపోయారు.. మేము శంకర్ గారిని మిస్ అవుతున్నాం’ అంటూ రాంచరణ్ కవర్ చేశాడు.
కానీ ఇన్సైడ్ టాక్.. వేరుగా ఉంది. ఆ మేటర్ ను బట్టి.. దర్శకుడు శంకర్ రాంచరణ్ పై గుర్రుగా ఉన్నాడట. ఎందుకంటే ‘గేమ్ ఛేంజర్’ ప్యాచ్ వర్క్ కోసం చరణ్ డేట్స్ కావాలని శంకర్ దిల్ రాజుకు (Dil Raju) చెప్పాడట. ఇంకో 15 రోజులు డేట్స్ అడగడంతో రాంచరణ్ నో చెప్పాడట. ఎందుకంటే అతను బుచ్చిబాబు (Buchi Babu Sana) సినిమా మేకోవర్ కోసం కష్టపడుతున్నాడు.
అలాగే ‘గేమ్ ఛేంజర్’ కోసం చరణ్ అదనంగా చాలా డేట్స్ ఇచ్చాడు. పైగా ‘శంకర్ తీసింది తీయడం.. తర్వాత అవసరం లేదు అని పక్కన పడేయడం వంటివి చేశాడట’. అవి చరణ్ కి నచ్చలేదు. అయినా ఓపిగ్గా భరించాడు. అంతకు మించి అంటే అతను మాత్రం ఏం చేస్తాడు. అందుకోసమే ‘లక్నో ఈవెంట్ ఎగ్గొట్టాడు’ అనే కామెంట్స్ వినిపిస్తున్నాయి.
Home