Harish Shankar: అప్పుడు మారుతి… ఇప్పుడు హరీష్ శంకర్

స్టార్ హీరోలతో సినిమాలు చేసే దర్శకులు చాలా బ్యాలన్స్డ్ గా వ్యవహరించాలి. ఎందుకంటే స్టార్ హీరోల అభిమానులు.. నిత్యం అప్డేట్లు వంటి వాటి కోసం ఫోర్స్ చేస్తూ ఉంటారు.

Harish Shankar

వాళ్ళకి అప్డేట్ గురించి సరైన ఇన్ఫో ఇవ్వాలి.. అదే టైమ్లో వాళ్ళని సెన్సిబుల్ గా హ్యాండిల్ చేయాలి. లేదు అంటే విషయం సెన్సిటివ్ అయిపోతుంది. ‘ది రాజాసాబ్’ సినిమా ప్రమోషన్స్ టైమ్లో దర్శకుడు మారుతీ ప్రవర్తన ప్రభాస్ అభిమానులకి చిరాకు తెప్పించింది.

ప్రభాస్ ను ‘మీడియం రేంజ్ హీరో అనడం’ ‘హీరోయిన్స్ ఉన్నప్పుడు.. ప్రభాస్ డూప్ లేదా బాడీ డబుల్ ని వాడకుండా..తనే  వచ్చి చేస్తానంటాడు అనడం’ ‘సినిమా మిమ్మల్ని 1 పర్సెంట్ డిజప్పాయింట్ చేసినా.. నా ఇంటికి రండి’ అంటూ ఓపెన్ ఛాలెంజ్ చేసి అడ్రెస్..లు పెట్టడం. ఇలాంటి వ్యవహారాలు ప్రభాస్ అభిమానులకి బాగా చిరాకు తెప్పించాయి.  ఫలితంగా.. మారుతి కొన్నాళ్లు అండర్ గ్రౌండ్..కి పారిపోవాల్సి వచ్చింది.

ఓటీటీకి సినిమా వచ్చినప్పుడు ధైర్యంగా ఒక్క ట్వీట్ కూడా వేసుకోలేకపోయాడు. సరైన విధంగా తన సినిమాని ప్రమోట్ చేసుకోవడంలో మారుతీ విఫలమయ్యాడు. ఇక ఇప్పుడు దర్శకుడు హరీష్ శంకర్(Harish Shankar) కూడా అదే విధంగా వ్యవహరిస్తున్నట్టు సోషల్ మీడియాలో నెటిజెన్లు కొమెంట్లు చేస్తున్నారు. ‘ఉస్తాద్ భగత్ సింగ్’ షూటింగ్ అనుభవాలు తెలుపుతూ.. దర్శకుడు హరీష్ శంకర్ పవన్ కళ్యాణ్ ని ఇమిటేట్ చేయడం వంటివి ఇప్పుడు ట్రోల్ స్టఫ్ గా మారిపోయాయి.

‘పవన్ కళ్యాణ్ అలిసిపోయి ఏదో మాట్లాడతారు.. అది మనకి అర్ధం కాదు అనడం’, ‘డాన్స్ మూమెంట్స్ చూపిస్తే..’ ఇది మనవల్ల అవుతుందా అనడం’ వంటివి పవన్ అభిమానులకు కూడా నచ్చడం లేదు. నిన్నటికి నిన్న ‘ఎత్తరా ఎత్తరా’ సాంగ్ లాంచ్ లో కూడా హరీష్.. ” పవన్ కళ్యాణ్ గారు ఈ సాంగ్ షూటింగ్లో ‘ఏంటి నేను ఇంతమందితో డాన్స్ చేయాలా?’ అన్నారు’ అంటూ హరీష్ చేసిన కామెంట్స్ పై కూడా విమర్శలు వెల్లువెత్తుతున్నాయి.

రేపు ఒక్క రోజే ఓటీటీలో ఏకంగా 20 సినిమాలు విడుదల