NTR : ఎన్టీఆర్ బాడీ ట్రాన్స్‌ఫర్మేషన్ వెనుక నిజం ఏమిటి? పాత్ర కోసమేనా… లేక మరేదైనా ఉందా?

టాలీవుడ్‌లో తన పాత్ర కోసం పూర్తి ట్రాన్స్ఫర్మేషన్ కి వెనుకాడని హీరోల్లో మొదటి వరుసలో ఉండే హీరో ఎన్టీఆర్. ప్రతి సినిమాలో పాత్రకు తగ్గట్టుగా తన లుక్, ఫిట్నెస్‌ను మార్చుకుంటూ ప్రేక్షకులను ఆకట్టుకుంటూ వస్తున్నారు. కెరీర్ ప్రారంభ దశలో సినిమాల సమయంలో ఎన్టీఆర్ కొంచెం లావుగా కనిపించేవారు. అప్పట్లో ఆయన లుక్‌పై విమర్శలు వచ్చినా, వాటిని పట్టించుకోకుండా తన నటనతో అభిమానులను మెప్పించారు. తరువాత “కంత్రి” సినిమాలో సన్నగా కనిపించి అందరినీ ఆశ్చర్యపరిచిన ఆయన, “టెంపర్” సినిమా నుంచి పూర్తిగా ఫిట్ లుక్‌లో కనిపిస్తూ అదే ఫిట్నెస్‌ను కొనసాగిస్తున్నారు.

NTR

ప్రస్తుతం ఎన్టీఆర్ ప్రముఖ దర్శకుడు ప్రశాంత్ నీల్ దర్శకత్వంలో రూపొందుతున్న భారీ ప్రాజెక్ట్‌లో నటిస్తున్నారు. ఈ సినిమాకు సంబంధించిన అధికారిక టైటిల్ ఇంకా ప్రకటించలేదు కానీ “డ్రాగన్” అనే పేరు ప్రచారంలో ఉంది. ఈ చిత్రానికి సంబంధించిన కొన్ని షూటింగ్ షెడ్యూళ్లు ఇప్పటికే విదేశాల్లో పూర్తయ్యాయని సినీ వర్గాలు చెబుతున్నాయి. త్వరలో హైదరాబాద్ పరిసర ప్రాంతాల్లో మరో కీలక షెడ్యూల్ ప్రారంభం కానుందని సమాచారం.

ఇటీవల కొన్ని కార్యక్రమాల్లో ఎన్టీఆర్ కనిపించిన లుక్ అభిమానుల్లో చర్చకు దారితీసింది. ముఖ్యంగా కుటుంబ వేడుకలో ఆయన చాలా సన్నగా కనిపించడం మరియు బెంగుళూరు కిమ్స్ ఆసుపత్రి ఈవెంట్ లో కూడా బక్కగానే ఉండటంతో ఫ్యాన్స్ ఆందోళన చెందారు. అయితే అది ఆరోగ్య సమస్య కాదు, పూర్తిగా సినిమా పాత్ర కోసం ట్రాన్స్ఫర్మేషన్ అని తెలిసి అభిమానులు ఊపిరి పీల్చుకున్నారు.

ఈ సినిమా కోసం ఎన్టీఆర్ దాదాపు 18 కిలోల వరకు బరువు తగ్గారని తెలుస్తోంది. కఠినమైన డైట్ ప్లాన్ మరియు క్రమమైన వ్యాయామంతో కేవలం కొన్ని నెలల్లోనే ఈ ట్రాన్స్‌ఫర్మేషన్ సాధించారని చెబుతున్నారు. ప్రశాంత్ నీల్ తన సినిమాల్లో హీరోలను ప్రత్యేకమైన లుక్‌లో చూపించడం తెలిసిందే. అందుకే ఈ సినిమాలో ఎన్టీఆర్ పాత్ర ఎలా ఉండబోతోందో అన్న ఆసక్తి అభిమానుల్లో మరింత పెరుగుతోంది. కాగా ఈ భారీ ప్రాజెక్ట్ విడుదల కోసం అభిమానులు ఆసక్తిగా ఎదురుచూస్తున్నారు.

The Paradise : నాని ది ప్యారడైజ్ చిత్రంలో న్యాచురాలిటీ కోసం యూనిట్ పడ్డ కష్టం అంతా ఇంతా కాదు !