సరిగ్గా రెండేళ్ల క్రితం కాజల్ అగర్వాల్ మేనేజర్ రోణీ అనే వ్యక్తి ఇంట్లో డ్రగ్స్ దొరికిన కారణంగా అతడ్ని అరెస్ట్ చేశారని వచ్చిన వార్తలు అందరికీ గుర్తుండే ఉంటాయి. ఆ కేస్ లో తర్వాత ఏమైంది అనేది ఎవరికీ తెలియదు కానీ.. ఆ టైమ్ లో మేనేజర్ కంటే ఎక్కువగా కాజల్ పేరు వినిపించడంతో వెంటనే స్పందించిన కాజల్ తనకు రోణీ మేనేజర్ కాదని స్నేహితుడు మాత్రమేనని చెప్పుకొచ్చింది. మళ్ళీ ఇన్నాళ్ల తర్వాత కాజల్ మేనేజర్ రోణీ తన స్క్రీన్ నేమ్ ను రాన్సన్ జోసెఫ్ గా మార్చుకొని నిర్మాతగా కెరీర్ మొదలెట్టాడు. ఇప్పుడు మనోడి చేతిలో దాదాపు మూడు ప్రొజెక్ట్స్ ఉన్నాయి.
రోణీ సడన్ గా రాన్సన్ గా మారడం, నిర్మాతగా సినిమాలు మొదలెట్టడం పెద్ద విశేషం కాదు. కానీ.. ఇవాళ రాన్సన్ నిర్మాణంలో మొదలైన ఒక సినిమా ప్రారంభోత్సవానికీ కాజల్ అగర్వాల్ ముఖ్య అతిధిగా విచ్చేయడమే కాక ఆ సినిమాకి సమర్పకురాలిగానూ వ్యవహరించడం అందర్నీ ఆశ్చర్యానికి గురి చేసింది. కాజల్ అగర్వాల్ నిర్మాణ రంగంలోకి అడుగిడడం అనేది చాలా పెద్ద వార్త. అలాంటిది ఇంట సింపుల్ గా జరిగిపోవడం అనేది ఆలోచించాల్సిన విషయమే. మరి ఈ వ్యవహారం వెనుక ఉన్న వివరం ఏమిటో తెలియాలంటే కొంత సమయం పడుతోంది. ఇకపోతే.. రాజ్ కందుకూరి తనయుడు శివ కందుకూరి కథానాయకుడిగా పరిచయంవుతున్న ఈ చిత్రం ద్వారా భరత్ కుమార్.పి దర్శకుడిగా పరిచయమవుతుండగా.. మేఘా ఆకాష్ కథానాయికగా నటిస్తోంది.
