‘ఆర్.ఆర్.ఆర్’ : చరణ్ పాత్ర వెనుక ఆ సీక్రెట్ ఏంటి?

రాంచరణ్, ఎన్టీఆర్ వంటి ఇద్దరు బడా స్టార్ హీరోలతో రాజమౌళి తెరకెక్కిస్తున్న భారీ మల్టీ స్టారర్ మరియు పాన్ ఇండియా చిత్రం ‘ఆర్.ఆర్.ఆర్’. రౌద్రం రణం రుథిరం గా ఈ మధ్యే ఫుల్ టైటిల్ ను ఆనౌన్స్ చేసారు. ఇక ఈ చిత్రంలో రాంచరణ్… అల్లూరి సీతారామ రాజుగా అలాగే ఎన్టీఆర్ కొమరం భీమ్ గా కనిపించ బోతున్నట్టు… రాజమౌళి ఎప్పుడో ప్రకటించారు. చరణ్ ను అల్లూరి పాత్రలో పరిచయం చేస్తూ … ఆతని పుట్టినరోజున ఓ వీడియో కూడా విడుదల చేసిన సంగతి తెలిసిందే.

ఈ వీడియోకి ఎన్టీఆర్ వాయిస్ ఓవర్ ఇవ్వడం.. ఓ హైలెట్ అని చెప్పాలి. అయితే ఈ వీడియో ప్రోమోలో చరణ్ పోలీస్ గా మాత్రమే కాదు బాక్సింగ్ చేస్తూ కూడా కనిపించాడు. టీజర్ విడుదల అయినప్పుడే ఈ విషయం పై చర్చ జరిగింది. అయితే ఇటీవల రియల్‌ బాక్సింగ్‌ స్టార్స్‌ అయిన కులదీప్‌ మరియు నీరజ్‌ గొయాట్‌ల దగ్గర చరణ్… కిక్‌ బాక్సింగ్‌కు సంబంధించిన టిప్స్‌ నేర్చుకున్నాడని వార్తలు రావడంతో ఈ విషయం పై మరింత ఆసక్తి పెరిగింది. కులదీప్ తాజాగా తన సోషల్ మీడియాలో చరణ్ తో ఉన్న ఫోటోను షేర్ చేసి.. ఈ స్టార్ తో కలిసి పనిచేసే అవకాశం దక్కింది.

ఇంకా ఉండేదేమో అంటూ పేర్కొన్నాడు. అసలు అల్లూరి సీతారామ రాజు కి బాక్సింగ్ తో పనేంటి. అతనొక విప్లవ వీరుడు. అయితే కొన్నాళ్ళు అతను కనిపించకుండా వెళ్ళిపోయాడు. పైగా రాజమౌళి… అల్లూరి, భీమ్ ల యుక్త వయసులో ఉన్నప్పుడు ఏం జరిగింది అనేదే ప్రధాన అంశంగా తీసుకున్నాడు కాబట్టి.. అల్లూరి ఆ టైములో పోలిస్ గా కూడా పనిచేసి ఉంటాడు అని కొందరు అభిప్రాయాల్ని వ్యక్తం చేస్తున్నారు.

Most Recommended Video

అమృతారామమ్ సినిమా రివ్యూ & రేటింగ్!
‘బాహుబలి’ ని ముందుగా ప్రభాస్ కోసం అనుకోలేదట…!
తండ్రికి తగ్గ తనయలు అనిపిస్తున్న డైరెక్టర్స్ కూతుళ్లు