Pawan Kalyan: పవన్ నిర్ణయానికి అసలు కారణం ఇదేనా?

September 6, 2021 / 03:26 PM ISTByFilmy Focus

Join Us

Pawan Kalyan: పవన్ నిర్ణయానికి అసలు కారణం ఇదేనా?

పవర్ స్టార్ పవన్ కళ్యాణ్ గురించి తెలుగు రాష్ట్రాల ప్రేక్షకులకు ప్రత్యేకంగా పరిచయం చేయాల్సిన అవసరం అయితే లేదు. అభిమానులు అభిమానంతో పవన్ కళ్యాణ్ ను పవర్ స్టార్ అనే బిరుదుతో పిలుచుకుంటారు. అయితే పవన్ కళ్యాణ్ మాత్రం ఈ బిరుదును పక్కన పెట్టేస్తున్నారని పవన్ భవిష్యత్తు ప్రాజెక్టులలో పవన్ కళ్యాణ్ పేరు ముందు పవర్ స్టార్ అనే బిరుదు టైటిల్ కార్డ్స్ లో కనిపించదని తెలుస్తోంది. 2019 ఎన్నికల్లో ఆశించిన స్థాయిలో ఫలితాలు రాకపోవడంతో పవన్ కళ్యాణ్ పార్టీని నడపడానికి అవసరమైన ఆర్థిక ఖర్చుల నిమిత్తం సినిమాల్లోకి రీఎంట్రీ ఇచ్చారు.

పవన్ రీఎంట్రీ మూవీ వకీల్ సాబ్ బాక్సాఫీస్ వద్ద హిట్ గా నిలిచింది. పవన్ ప్రస్తుతం భీమ్లా నాయక్, హరిహర వీరమల్లు సినిమాలలో నటిస్తుండగా సురేందర్ రెడ్డి డైరెక్షన్ లో ఒక సినిమాలో, హరీష్ శంకర్ డైరెక్షన్ లో మరో సినిమాలో నటించబోతున్నారు. రెండు రోజుల క్రితం పవన్ పుట్టినరోజు సందర్భంగా పలు పోస్టర్లు విడుదలయ్యాయి. అయితే ఆ పోస్టర్లలో ఎక్కడా పవర్ స్టార్ అనే బిరుదు కనిపించలేదు. ఒక్క సినిమా అప్ డేట్ లో కూడా పవర్ స్టార్ అని సంభోదించకపోవడం గురించి ఫ్యాన్స్ మధ్య చర్చ జరుగుతోంది.

పవన్ కళ్యాణ్ ప్రస్తుతం రాజకీయ నాయకుడు కావడం వల్లే పవర్ స్టార్ ట్యాగ్ కు దూరంగా ఉన్నారని తెలుస్తోంది. థమన్, మరి కొందరు టెక్నీషియన్లు పవన్ ను లీడర్ అని ట్వీట్లలో సంబోధించారు. పవన్ కళ్యాణ్ ను అభిమానులు జనసేనానిగా చూడాలనే ఉద్దేశంతో ఈ మార్పు జరిగి ఉండవచ్చనే కామెంట్లు వినిపిస్తున్నాయి.