‘భీమ్లా నాయక్‌’… ఇటీవల కాలంలో వచ్చిన ఫుల్‌ మాస్‌ సినిమా. మాస్‌ ప్రేక్షకులు, పవన్ కల్యాణ్‌ అభిమానులకు మంచి కిక్‌ ఇచ్చింది. అయితే ఇందులో చిన్నపాటి రొమాంటిక్‌ టచ్‌ కూడా ఉంది. సినిమాలో భీమ్లా నాయక్‌, సుగుణ పాత్రల మధ్య ఆ రొమాంటిక్‌ టచ్‌ను మనం చూడొచ్చు. అయితే ఎక్కడ ఆ సీన్స్‌ పెద్దగా హైలైట్‌ కాలేదు. నిజానికి ఈ సీన్స్‌కు బలం చేకూరేలా ఓ పాట కూడా చిత్రీకరించారు.
Click Here To Watch NEW Trailer
అదే ‘అంత ఇష్టం ఏందయ్యా..’ కానీ ఏమైందో ఏమో ఆ పాట సినిమాలో లేదు. ఇప్పుడు సినిమాకు ఓటీటీకి వస్తున్న నేపథ్యంలో ఆ పాట ఉంటుందా? ఇప్పుడు ఇదే ప్రశ్న సోషల్‌ మీడియాలో కనిపిస్తోంది. ‘భీమ్లా నాయక్‌’ సినిమా విడుదలకు చాలా రోజుల ముందే ‘ఇష్టం’ పాట లిరికల్‌ వీడియోను రిలీజ్‌ చేశారు. మాతృతక ‘అయ్యప్పనుమ్‌ కొషియమ్‌’లో ఇలాంటి పాట ఉండదు. కానీ తెలుగులోకి వచ్చేసరికి.. పాట ఉంటే బాగుంటుంది అనుకొని షూట్‌ చేశారు. పాట అద్భుతంగా వచ్చిందని చెప్పారు కూడా.
లిరికల్‌ వీడియో రెస్పాన్స్‌ అదిరిపోయింది. కానీ సినిమా విడుదలకు నాలుగైదు రోజుల ముందు నుండి ‘ఇష్టం’ సాంగ్‌ ఉండదు అనే టాక్‌ వచ్చింది. అనుకున్నట్లుగానే సినిమాలో పాట కనిపించలేదు. సినిమా నిడివి పెరిగిందని, మూడ్‌ దెబ్బ తింటుందని … ఆ పాటను తొలగించేశారని ఒకరిద్దరు సినిమా టీమ్‌ నోట వినిపించింది. అయితే ఇప్పుడు సినిమా ఓటీటీకిలోకి.. సారీ సారీ ఓటీటీల్లోకి వస్తోంది. దీంతో అక్కడ సినిమాలో ‘ఇష్టం’ పాటను ఉంచుతారా లేదా అనేదే ఇప్పుడు చర్చ.
అయితే ఇక్కడ మరో విషయం గమనించాలి. నిత్య మేనన్‌కు, సినిమా టీమ్‌కు మధ్య ఏదో మాటా మాటా వచ్చిందని, అందుకే పాట తీసేశారని ఆ మధ్య అనుకున్నారు. ఒకవేళ అదే నిజమైతే ఇప్పుడు ఓటీటీ వెర్షన్‌లో కూడా ఆ పాట ఉండదు. చూద్దాం మరి ఏమవుతుందో. నిజానికి ఓటీటీకి సినిమా వచ్చినప్పుడు కొన్ని అదనపు సన్నివేశాలు యాడ్‌ చేస్తే చాలామంచిది. థియేటర్‌లో చూసినవాళ్లు కూడా మరోసారి ఓటీటీలో సినిమా చూడటానికి ఆసక్తి చూపిస్తారు. త్రివిక్రమ్‌ సార్ ఇది విన్నారా.
Most Recommended Video
ఒకే ఫ్యామిలీలో రెండు జెనెరేషన్స్ కు చెందిన హీరోలతో జోడీ కట్టిన భామల లిస్ట్..!
‘గాడ్ ఫాదర్’ తో పాటు టాలీవుడ్లో రీమేక్ కాబోతున్న 10 మలయాళం సినిమాలు..!
ఈ 10 సినిమాలు తెలుగులోకి డబ్ అయ్యాక కూడా రీమేక్ అయ్యాయని మీకు తెలుసా..!
Home