కొంపతీసి చిరు అలాంటి రిస్క్ చెయ్యరు కదా?

మెగాస్టార్ చిరంజీవి ప్రస్తుతం కొరటాల శివ డైరెక్షన్లో ఓ చిత్రం చేస్తున్నారు. ‘మ్యాట్నీ ఎంటర్టైన్మెంట్స్’ ‘కొణిదెల ప్రొడక్షన్ కంపెనీ’ బ్యానర్ల పై నిరంజన్ రెడ్డి, రాంచరణ్ కలిసి ఈ చిత్రాన్ని నిర్మిస్తున్నారు. ఇప్పటికే చాలా వరకూ షూటింగ్ పూర్తయ్యింది. మణిశర్మ సంగీతమందిస్తున్న ఈ చిత్రాన్ని ఆగష్టు లో విడుదల చెయ్యాలని చిత్ర యూనిట్ ప్లాన్ చేస్తుంది. ఇక ఈ చిత్రం పూర్తయిన వెంటనే ‘లూసిఫర్’ రీమేక్ లో నటించడానికి మెగాస్టార్ రెడీగా ఉన్నారని టాక్ నడుస్తుంది. చరణ్ ఎప్పుడో రీమేక్ రైట్స్ ను కొనుగోలు చేసిన సంగతి కూడా అందరికీ తెలిసిందే.

అయితే ఈ చిత్రం దర్శకుడి విషయంలో ఇంకా క్లారిటీ రాలేదు. సుకుమార్, హరీష్ శంకర్, వంశీ పైడిపల్లి, వి.వి.వినాయక్ ఇలా చాలా మంది పేర్లు వినిపించాయి. అసలు ఇంకా దర్శకుడు సెట్ కాకపోవడంతో .. ఈ రీమేక్ కు ఏ దర్శకుడు ఇంట్రెస్ట్ చూపించడం లేదు అనే గుస గుసలు కూడా ఊపందుకున్నాయి. ఇదిలా ఉంటే.. ఈ రీమేక్ ను ప్రభాస్ తో ‘సాహో’ చిత్రాన్ని తెరకెక్కించిన సుజీత్ డైరెక్ట్ చేయబోతున్నాడు అని వార్తలు వస్తున్నాయి. ఈ మధ్యే చరణ్ కలిసి ఓ కథ వినిపించాడట సుజీత్. అందులో మాస్ ఎలిమెంట్స్ అన్నీ పుష్కలంగా ఉన్నాయట. అయితే చరణ్ ఎలాగూ ‘ఆర్.ఆర్.ఆర్’ పూర్తయ్యే వరకూ బిజీగా ఉంటాడు కాబట్టి… ‘లూసిఫర్’ రీమేక్ కు రెఫర్ చేసాడట చరణ్. దీనికి మెగాస్టార్ కూడా ఓకే చెప్పినట్టు తెలుస్తుంది. ఒకవేళ ఇది నిజమైతే సుజీత్ కు సువర్ణ అవకాశం అనే చెప్పాలి.

Most Recommended Video

పలాస 1978 సినిమా రివ్యూ & రేటింగ్!
అనుకున్నది ఒక్కటి అయినది ఒక్కటి సినిమా రివ్యూ & రేటింగ్!
ఓ పిట్టకథ సినిమా రివ్యూ & రేటింగ్!