Dhanush: తెలుగు సినిమాతో ధనుష్ హిట్ కొడతాడా..?

ఈ మధ్యకాలంలో కోలీవుడ్ హీరోలు తెలుగు దర్శకులతో సినిమాలు చేస్తున్నారు. రీసెంట్ గా ‘జాతిరత్నాలు’ దర్శకుడు అనుదీప్ రూపొందించిన ‘ప్రిన్స్’ అనే సినిమాలో శివకార్తికేయన్ హీరోగా నటించారు. తెలుగు, తమిళ భాషల్లో ఈ సినిమాను తెరకెక్కించారు. తెలుగులో ఈ సినిమాకి ఏవరేజ్ టాక్ వచ్చింది. తమిళంలో కూడా అదే పరిస్థితి. అప్పటివరకు వరుస సక్సెస్ లతో దూసుకుపోతున్న శివకార్తికేయన్ కి ‘ప్రిన్స్’ బ్రేక్ వేసింది. ఓవరాల్ గా ఈ సినిమా ప్లాప్ ప్రాజెక్ట్ గా మిగిలింది.

శివకార్తికేయన్ నమ్మకాన్ని అనుదీప్ నిలబెట్టుకోలేకపోయారనే చెప్పారు. ఇక ఇప్పట్లో శివకార్తికేయన్ స్ట్రెయిట్ తెలుగు సినిమా చేసే ఛాన్స్ లేదనిపిస్తుంది. ఈ సంగతి పక్కన పెడితే.. ఇప్పుడు మరో తమిళ హీరో స్ట్రెయిట్ తెలుగు సినిమాతో అలరించడానికి రెడీ అవుతున్నారు. అతడు మరెవరో కాదు ధనుష్. వెంకీ అట్లూరి దర్శకత్వంలో ‘సార్’ అనే సినిమాలో నటిస్తున్నారు ధనుష్. తమిళంలో ‘వాతి’ అనే పేరుతో ఈ సినిమాను తెరకెక్కిస్తున్నారు.

ఈ బైలింగ్యువల్ సినిమాపై ప్రేక్షకుల్లో మంచి అంచనాలే ఏర్పడ్డాయి. కానీ దర్శకుడు వెంకీపై అందరికీ డౌట్ ఉండిపోయింది. ‘తొలిప్రేమ’ సినిమాతో దర్శకుడిగా మారిన వెంకీ అట్లూరి ఆ తరువాత ‘మిస్టర్ మజ్ను’, ‘రంగ్ దే’ వంటి సినిమాలను రూపొందించారు. ఈ సినిమాలు ప్రేక్షకులను పెద్దగా ఆకట్టుకోలేకపోయాయి.

‘సార్’ సినిమా సక్సెస్ వెంకీకి చాలా ముఖ్యం. పైగా ధనుష్ తొలి తెలుగు సినిమా ఇది. దీంతో ఆయనకు హిట్ ఇవ్వాల్సిన బాధ్యత వెంకీపై ఉంది. మరి ధనుష్ కి తెలుగు, తమిళ భాషల్లో సరైన హిట్ ను ఇవ్వగలరో లేదో చూడాలి. ఈ సినిమా తరువాత ధనుష్ తెలుగులో శేఖర్ కమ్ములతో మరో సినిమా చేయబోతున్నారు. త్వరలోనే ఈ సినిమా సెట్స్ పైకి వెళ్లనుంది.

యశోద సినిమా రివ్యూ& రేటింగ్!
సరోగసి నేపథ్యంలో వచ్చిన సినిమాలు ఏంటంటే..?

‘కె.జి.ఎఫ్’ టు ‘కాంతార’..బాక్సాఫీస్ వద్ద అత్యధిక కలెక్షన్లు రాబట్టిన కన్నడ సినిమాల లిస్ట్..!
నరేష్ మాత్రమే కాదు ఆ హీరోలు కూడా భార్యలు ఉన్నప్పటికీ హీరోయిన్లతో ఎఫైర్లు నడిపారట..!