సినిమా అనౌన్స్మెంట్ పోస్టర్లోనే రిలీజ్ డేట్ ఇవ్వడం అంటే… ఒకప్పుడు బాలీవుడ్కి మాత్రమే అయ్యేది. ఇటీవల తెలుగు సినిమాలు కూడా ఇలాంటి ప్రయత్నం చేస్తున్నాయి. సినిమా షూటింగ్ ప్రారంభం అయినప్పుడే రిలీజ్ డేట్లు చెబుతున్నాయి. అయితే అవి అనుకున్నట్లుగా రావడం లేదు. ఏదో కారణం చేత వాయిదా పడుతూ ఉన్నాయి. అయితే ఇప్పుడు మరో సినిమా ఇలానే వాయిదా పడబోతోందా అంటే అవుననే అంటున్నాయి టాలీవుడ్ సోషల్ మీడియా వర్గాలు.
రామ్, పూరి జగన్నాథ్ కాంబినేషన్లో రూపొందుతున్న చిత్రం (Double Ismart) ‘డబుల్ ఇస్మార్ట్’. గతంలో వచ్చిన ‘ఇస్మార్ట్ శంకర్’ సినిమాలకు సీక్వెల్గా రూపొందుతున్న చిత్రం ఇది. ఎన్నో డౌట్స్ మధ్య గతేడాది అనౌన్స్ అయిన ఈ సినిమాను ఈ ఏడాది మార్చి 8న విడుదల చేస్తామని చెప్పారు. రిలీజ్ డేట్ లాక్ చేసుకుని మరీ అధికారికంగా ప్రకటించారు. వేగంగా తీయడంలో స్పెషలిస్ట్ అయిన పూరి కచ్చితంగా డెడ్ లైన్ని అందుకుంటారనే నమ్మకంతో ఫ్యాన్స్ కూడా రెడీ అయిపోయారు.
అయితే ఇప్పుడు చూస్తే పరిస్థితి అలా లేదట. అనుకున్న సమయానికి సినిమా పూర్తి కాకపోవచ్చు అంటున్నారు. ఇంకో 40 – 45 రోజుల షూటింగ్ పెండింగ్ ఉందంటున్నారు. హడావుడిగా ఈ సినిమా పూర్తి చేయడం పూరికి ఇష్టం లేదట. ‘లైగర్’ దెబ్బ నుండి ఆయన, వరుస దెబ్బల నుండి రామ్ ఈ సినిమా చేస్తున్నారు. దీంతో జాగ్రత్తగా చేసి ‘ఇస్మార్ట్ శంకర్’ను మించిన హిట్ కొట్టాలనేది కోరిక అట. అందుకే కాస్త ఆలస్యమైనా అంతా ఓకే అనుకున్నాకే సినిమా రిలీజ్ చేద్దామనేది ప్లాన్ అంటున్నారు.
ఒకవేళ ఇలా జరిగితే సినిమాను మే నెలలో రిలీజ్ చేయొచ్చు అంటున్నారు. ఏప్రిల్ డేట్స్ కష్టమే అని, అందుకే ఇలా ఆలోచిస్తున్నారని అంటున్నారు. వీలైతే ఏప్రిల్లో తీసుకొచ్చే ఛాన్స్లు కూడా ఉన్నాయట. అయితే ప్రమోషన్స్ విషయంలోనూ గట్టిగా ప్లాన్ చేస్తుండటంతో ఒక నెల వాయిదా కాకుండా ఎక్కువే ప్లాన్ చేస్తున్నారట. త్వరలో ఈ విషయంలో క్లారిటీ ఇస్తారని చెబుతున్నారు.
గుంటూరు కారం సినిమా రివ్యూ & రేటింగ్!
హను మాన్ సినిమా రివ్యూ & రేటింగ్!
‘గుంటూరు కారం’ తో పాటు 24 గంటల్లో రికార్డులు కొల్లగొట్టిన 15 ట్రైలర్ల లిస్ట్..!
