పేరుకే స్టార్‌ హీరోయిన్‌ సరైన హిట్‌లు లేవు. టాలీవుడ్‌లో చాలామంది కథానాయికల గురించి ఇలాంటి మాటలు వినిపిస్తూ ఉంటాయి. రీసెంట్‌గా ఇలాంటి మాటలు పడుతున్న హీరోయిన్‌ కీర్తి సురేశ్‌. ‘మహానటి’తో బ్లాక్‌బస్టర్‌ విజయం అందుకున్న కీర్తి… ఆ తర్వాత ఓవర్‌నైట్‌ స్టార్‌లా మారిపోయింది. కానీ ఆ తర్వాత సరైన విజయం అందుకోలేకపోయింది. వరుస ఫ్లాప్‌లతో ఇబ్బందిపడుతున్న కీర్తికి… ఇప్పుడు ‘గుడ్‌ లక్‌ సఖి’ గుడ్‌ లక్‌ తీసుకొస్తుందా అని అభిమానులు ఆశగా ఎదురు చూస్తున్నారు.
‘మహానటి’తో జాతీయ పురస్కారం దక్కించుకుంది కీర్తి సురేశ్‌. ఆమె నటనా ప్రతిభ గురించి చెప్పడానికి ఇదొక్క మాట చాలు. గ్లామర్ షోకి దూరంగా ఉన్నా… ఆమెలో నటిని చూసి స్టార్‌ హీరోల సినిమాలు వస్తున్నాయి. ప్రస్తుతం ‘సర్కారు వారి పాట’లో ఆమె నటిస్తున్న విషయం తెలిసిందే. అదే సమయంలో యువ హీరోలతో కూడా సినిమాలు చేస్తూ వస్తోంది. అలా ఇటీవల కాలంలో వరుస సినిమాలతో బిజీ అవుతోంది. కానీ రెండేళ్ల నుండి సరైన హిట్టు లేదు.
హీరోయిన్‌గా చేసినా, హీరోయిన్‌ ఓరియెంటెడ్‌ సినిమా చేసినా విజయం ముచ్చట మాత్రం తీరడం లేదు. ‘పెంగ్విన్‌’, ‘మిస్ ఇండియా’ అంటూ సోలో సినిమాలు చేసింది. అవి విజయాన్ని అందించలేదు. ఆ తర్వాత రజనీకాంత్‌ ‘అన్నాత్తై’లో చెల్లెలుగా కనిపించింది. ఆ సినిమా పరిస్థితీ అంతే. ఇక మలయాళ సూపర్‌స్టార్‌ మోహన్‌లాల్‌తో ‘మ‌ర‌క్క‌ర్‌’లో కనిపించింది. అదీ నిరాశే మిగిల్చింది. నితిన్‌ హీరోగా చేసిన ‘రంగ్‌దే’లో ఆమె పాత్రకు మంచి స్పందనే వచ్చింది. కానీ సినిమాకు పెట్టినంత రాలేదు అంటారు.
అలా ఆమెకు ప్రత్యక్షంగా, పరోక్షంగా సరైన విజయాలు దక్కడం లేదు. ఇప్పుడు నగేశ్‌ కుకునూర్ దర్శకత్వంలో చేసిన ‘గుడ్‌ లక్‌ సఖి’ 28న రాబోతోంది. ఈ సినిమా ఇప్పటికే చాలాసార్లు వాయిదా పడుతూ వచ్చింది. ఆఖరికి రిలీజ్ చేస్తున్నారు. మరి ఈ సినిమా అయినా విజయం అందించి, ట్రాక్‌ మారుస్తుందేమో చూడాలి. ఈ సినిమా గెలుపునిస్తే మరిన్ని ఇలాంటి సినిమాలు చేసే ధైర్యం కీర్తికి, ఆమెతో పని చేయాలనుకున్న దర్శకులకు వస్తుంది.
Most Recommended Video
చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!
ఎన్టీఆర్ టు కృష్ణ.. ఈ సినీ నటులకి పుత్రశోఖం తప్పలేదు..!
20 ఏళ్ళ ‘టక్కరి దొంగ’ గురించి ఎవ్వరికీ తెలియని కొన్ని విషయాలు..!
Home
