Megha Akash: హిట్లు లేకపోయినా అవకాశాలు బోలెడు!

సినిమా ఇండస్ట్రీలో హీరోలకు ఉన్నంత కెరీర్ స్పాన్ హీరోయిన్లకు ఉండదు. తమ నటనతో, గ్లామర్ తో ఆకట్టుకొని హిట్స్ అందుకునే హీరోయిన్లే ఇండస్ట్రీలో ఎక్కువకాలం నిలదొక్కుకోగలరు. ఫ్లాప్స్ పడ్డాయంటే అంత ఈజీగా అవకాశాలు రావు. కానీ మేఘా ఆకాష్ మాత్రం దీనికి మినహాయింపనే చెప్పాలి. ఇప్పుడువరకు ఆమె తెలుగు, తమిళ భాషల్లో కలుపుకుంటే పది సినిమాల వరకు నటించింది. కానీ ఒక్క సినిమా కూడా సరైన హిట్టు అందుకోలేదు. చాలా వరకు అన్నీ ప్లాప్ సినిమాలే. అయినా ఆమెకి అవకాశాలు మాత్రం తగ్గలేదు.

ఒకదాని తరువాత మరొక సినిమా ఛాన్స్ వస్తూనే ఉంది. తెలుగులో మేఘా ఆకాష్ నటించిన ‘లై’, ‘ఛల్ మోహన రంగా’ సినిమాలు డిజాస్టర్లుగా నిలిచిన సంగతి తెలిసిందే. తమిళంలో ఆమె డెబ్యూ ఫిల్మ్ ‘ఎన్నై నొక్కి పాయుమ్ తోటా’ కూడా సరిగ్గా ఆడలేదు. అయిన్పటికీ ప్రస్తుతం ఆమె చేతిలో మూడు, నాలుగు సినిమాలున్నాయి. అందులో తెలుగు సినిమా ‘రాజ రాజ చోర’ ఒకటి. శ్రీవిష్ణు హీరోగా నటిస్తోన్న ఈ సినిమాకి సంబంధించిన టీజర్ ను తాజాగా విడుదల చేశారు.

ఇందులో మేఘా ఒకట్రెండు సీన్లలో కనిపించింది. తన కొత్త లుక్ తో ఆకట్టుకునే ప్రయత్నం చేసింది. ఈ సినిమాతో తెలుగులో ఎలాగైనా హిట్టు కొట్టాలని చూస్తుంది. మరి ఆమె ఆశలు ఫలిస్తాయేమో చూడాలి!

Most Recommended Video

బాలకృష్ణ మిస్ చేసుకున్న సినిమాల లిస్ట్.. హిట్లే ఎక్కువ..!
సింహా టైటిల్ సెంటిమెంట్ బాలయ్యకి ఎన్ని సార్లు కలిసొచ్చిందో తెలుసా?
26 ఏళ్ళ ‘పెదరాయుడు’ గురించి ఈ 10 సంగతులు మీకు తెలుసా?