సినిమాలో ట్విస్ట్‌లు, అతిథి పాత్రల గురించి రిలీజ్‌కు ముందే బయటకు రాకుండా ఆపేయడం ఎలా? ఇది చాలా పెద్ద విషయం. అన్ని టీమ్‌లకు సాధ్యం కాదు. ఏదో విధంగా లీకులు చేసేస్తున్నారు లీకు వీరులు. ఎందుకో ఏమో కానీ (Pushpa) ‘పుష్ప’ సినిమా నుండి వరుసగా లీకులు వచ్చేస్తున్నాయి. తొలి పార్టు సమయంలో ఇలానే జరిగింది, ఇప్పుడు రెండో పార్టు విషయంలో కూడా అంతే. ఈ కారణంతో సినిమాలో చాలా స్పెషల్‌గా ఉంటుంది అనే ఓ విషయాన్ని టీమ్‌ రిలీజ్‌కు ముందే చెప్పేస్తుందా? అవుననే అంటున్నాయి టాలీవుడ్‌ వర్గాలు.
కొన్ని రోజుల క్రితం ‘పుష్ప’ సినిమా నుండి ఓ వీడియో క్లిప్‌ సోషల్ మీడియాల లీక్‌ అయ్యింది. దాని ప్రకారం చూస్తే… ఈ సినిమాలో సూర్య (Suriya) ఓ కీలక అతిథి పాత్ర చేస్తారు. ఈ విషయంలో క్లారిటీ లేదు, ఆ వీడియోలోనూ క్లారిటీ లేదు, కానీ వార్త మాత్రం తెగ తిరిగింది. అయితే ఈ విషయంలో ఇంకా పిడికిలి బిగించి ఉంచితే ఉపయోగం ఏమీ ఉండదని టీమ్‌ అనుకుంటోందట. అందుకే ఆ విషయాన్ని అధికారికంగా ప్రకటించేస్తారు అని అంటున్నారు. త్వరలోనే ఈ మేరకు గ్రాండ్‌ అనౌన్స్‌మెంట్ ఉంటుంది అని చెబుతున్నారు.
సుకుమార్ (Sukumar) – అల్లు అర్జున్ (Allu Arjun) కాంబినేషన్‌లో రూపొందుతున్న చిత్రం (Pushpa 2) ‘పుష్ప: ది రూల్‌’. అన్నీ అనుకున్నట్లుగా జరిగితే ఆగస్టు 15న ఈ సినిమాను విడుదల చేస్తారు. ఈ సినిమాలో పెద్ద డాన్‌గా (Sanjay Dutt) సంజయ్ దత్ కనిపిస్తాడని… ‘ఊ అంటావా’ టైప్‌ ఐటెం సాంగ్‌లో (Janhvi Kapoor) జాన్వీ కపూర్ ఉంటుందని వార్తలొస్తున్నాయి. కోలీవుడ్ స్టార్ హీరో సూర్య కూడా గెస్ట్ అప్పీరియన్స్ అంటూ లీకులు వచ్చాయి. (Kamal Hassan) కమల్ హాసన్ ‘విక్రమ్’ (Vikram) సినిమాలో చివరలో రోలెక్స్ పాత్రలో వచ్చి అదరగొట్టాడు కదా… అలాగే ఇందులోనూ ఉంటుంది అనేది పుకార్ల సారాంశం.
పుకార్లే కదా తర్వాత రిలీజ్‌కు ముందు కన్‌ఫామ్‌ చేద్దామని టీమ్‌ అనుకుందట ఇన్నాళ్లూ. కానీ లీకులు వచ్చాక ఆపితే సినిమాకు ముందు అంత బజ్‌ ఉండదు అని ఇప్పుడు అనుకుంటున్నట్లు టాక్‌. మరి నిజంగానే సూర్య ఉన్నాడా? ఉంటే చెబుతారా అనేది చూడాలి.
ఇంటర్వ్యూ : ‘గామి’గురించి డైరెక్టర్ విద్యాధర్ కాగిత చెప్పిన ఆసక్తికర విషయాలు.!
ఇంటర్వ్యూ : ‘భీమా’ గురించి గోపీచంద్ చెప్పిన ఆసక్తికర విషయాలు
రోడ్డుపై యాంకర్ ఝాన్సీ చెత్త సేకరించడానికి కారణాలివేనా?
