ఆ ఫ్లాప్ సెంటిమెంట్ కు రాశీ బ్రేక్ వేస్తుందా..?

ఊహలు గుసగుసలాడే సినిమాతో టాలీవుడ్ కు పరిచయమై వరుసగా అవకాశాలను సంపాదించుకుంటూ బిజీగా ఉన్నారు రాశీఖన్నా. మారుతి రాశీఖన్నా కాంబినేషన్ లో తెరకెక్కిన ప్రతిరోజూ పండగే సినిమా హిట్ కావడంతో మారుతి తన కొత్త సినిమా కోసం రాశీఖన్నానే హీరోయిన్ గా తీసుకున్నారు. అయితే ఈ సినిమాలో రాశీఖన్నా పాత్రకు సంబంధించి ఒక వార్త ఇండస్ట్రీ వర్గాల్లో చక్కర్లు కొడుతోంది. వైరల్ అవుతున్న ఆ వార్త ప్రకారం గోపీచంద్ మారుతి కాంబినేషన్ లో తెరకెక్కుతున్న పక్కా కమర్షియల్ సినిమాలో రాశీఖన్నా టీవీ సీరియల్ నటిగా కనిపించనున్నారని తెలుస్తోంది.

మారుతి రాశీఖన్నా క్యారెక్టర్ ను ఫన్నీగా డిజైన్ చేశారని ఈ పాత్రతో రాశీఖన్నా కడుపుబ్బా నవ్విస్తారని సమాచారం. మారుతి దర్శకత్వంలో తెరకెక్కిన సినిమాలు దాదాపుగా హిట్లు కావడంతో ఈ సినిమా కూడా హిట్టై రాశీఖన్నాకు మరిన్ని కొత్త ఆఫర్లను తెచ్చి పెడుతుందని ఆమె ఫ్యాన్స్ భావిస్తున్నారు. యూవీ క్రియేషన్స్, గీతా ఆర్ట్స్ 2 బ్యానర్లు సంయుక్తంగా పక్కా కమర్షియల్ సినిమాను తెరకెక్కిస్తున్నాయి. గతంలో గోపీచంద్, రాశీఖన్నా కాంబినేషన్ లో ఆక్సిజన్, జిల్ సినిమాలు వచ్చాయి.

ఆక్సిజన్ సినిమా బాక్సాఫీస్ దగ్గర డిజాస్టర్ గా నిలవగా జిల్ సినిమా బిలో యావరేజ్ గా నిలిచింది. గోపీచంద్ రాశీఖన్నా జోడీ ఫ్లాప్ జోడీగా పేరు తెచ్చుకోగా పక్కా కమర్షియల్ ఆ సెంటిమెంట్ కు బ్రేక్ వేస్తుందేమో చూడాల్సి ఉంది. నిజానికి మారుతి రవితేజ హీరోగా ఒక సినిమాను తెరకెక్కించాలని ప్రయత్నాలు చేయగా వేర్వేరు కారణాల వల్ల ఆ ప్రాజెక్ట్ పట్టాలెక్కలేదు. రవితేజతో తెరకెక్కించాలని అనుకున్న కథతోనే మారుతి గోపీచంద్ తో పక్కా కమర్షియల్ సినిమాను తెరకెక్కిస్తున్నట్టు తెలుస్తోంది.

Most Recommended Video

ఏ1 ఎక్స్ ప్రెస్ సినిమా రివ్యూ & రేటింగ్!
షాదీ ముబారక్ సినిమా రివ్యూ & రేటింగ్!
సీత ఆన్ ది రోడ్ సినిమా రివ్యూ & రేటింగ్!