Ram Charan: చరణ్ ను నిరాశపరిచిన స్టార్ డైరెక్టర్లు వీళ్లే!

స్టార్ హీరో రామ్ చరణ్ సినీ కెరీర్ లో ఫ్లాపైన సినిమాల కంటే హిట్టైన సినిమాలే ఎక్కువగా ఉన్నాయి. అయితే కొన్ని సినిమాల ఫలితాలు మాత్రం అభిమానులను తీవ్రస్థాయిలో బాధపెట్టాయి. చరణ్ నటించిన ఆరెంజ్, తుఫాన్, బ్రూస్ లీ, వినయ విధేయ రామ, ఆచార్య సినిమాలు బాక్సాఫీస్ వద్ద ఆశించిన స్థాయిలో ఫలితాలు అందుకోలేదు. చరణ్ తుఫాన్ సినిమాకు బాలీవుడ్ డైరెక్టర్ అపూర్వ లాఖియా దర్శకత్వం వహించగా మిగిలిన సినిమాలకు టాలీవుడ్ డైరెక్టర్లు దర్శకత్వం వహించారు.

బొమ్మరిల్లు, పరుగు సినిమాలతో విజయాలను అందుకున్న బొమ్మరిల్లు భాస్కర్ చరణ్ హీరోగా భారీ బడ్జెట్ తో ఆరెంజ్ సినిమాను తెరకెక్కించగా కథ, కథనంలోని లోపాలు, హీరోయిన్ పర్ఫామెన్స్ ఈ సినిమాకు మైనస్ గా మారాయి. గతేడాది మోస్ట్ ఎలిజిబుల్ బ్యాచిలర్ సినిమాతో బొమ్మరిల్లు భాస్కర్ సక్సెస్ సాధించగా ఈ డైరెక్టర్ కు చరణ్ మరో ఛాన్స్ ఇచ్చే పరిస్థితులు కనిపించడం లేదు. చరణ్ శ్రీను వైట్ల కాంబినేషన్ లో తెరకెక్కిన బ్రూస్ లీ సెకండాఫ్ లో జరిగిన పొరపాట్ల వల్ల బాక్సాఫీస్ వద్ద హిట్ కాలేదు.

ప్రస్తుతం శ్రీనువైట్ల కెరీర్ విషయంలో ఒడిదొడుకులు ఎదుర్కొంటున్నారు. చరణ్ శ్రీను వైట్ల కాంబోలో సినిమా వచ్చే అవకాశం దాదాపుగా లేదని తెలుస్తోంది. మరో స్టార్ డైరెక్టర్ బోయపాటి శ్రీను చరణ్ కాంబోలో వినయ విధేయ రామ సినిమా తెరకెక్కింది. ఈ సినిమా ఫలితం విషయంలో బోయపాటి శ్రీను తీవ్రస్థాయిలో విమర్శలు ఎదుర్కొన్నారు. అయితే అఖండతో సక్సెస్ సాధించిన బోయపాటి శ్రీనుకు చరణ్ మరో ఛాన్స్ ఇచ్చినా ఆశ్చర్యపోవాల్సిన అవసరం లేదు.

మరోవైపు చరణ్ కొరటాల శివ కాంబినేషన్ లో గతంలో ఒక ప్రాజెక్ట్ తెరకెక్కాల్సి ఉన్నా కొన్ని కారణాల వల్ల ఆగిపోయింది. ఈ కాంబినేషన్ లో ఆచార్య సినిమా తెరకెక్కినా ప్రేక్షకులను ఆకట్టుకోలేదు. అయితే కొరటాల శివ ప్రతిభ ఉన్న డైరెక్టర్ కావడంతో చరణ్ కొరటాల శివ కాంబోలో మరో సినిమా తెరకెక్కే ఛాన్స్ అయితే ఉంది. మరోవైపు చరణ్ వరుస సినిమాలతో బిజీగా ఉన్న సంగతి తెలిసిందే.

ఆచార్య సినిమా రివ్యూ & రేటింగ్!

Most Recommended Video

కన్మణి రాంబో కటీజా సినిమా రివ్యూ & రేటింగ్!
వీళ్ళు సరిగ్గా శ్రద్ద పెడితే… బాలీవుడ్ స్టార్లకు వణుకు పుట్టడం ఖాయం..!
కే.జి.ఎఫ్ హీరో యష్ గురించి ఈ 12 విషయాలు మీకు తెలుసా..!