టాలీవుడ్ లో స్టార్ హీరోగా మంచి గుర్తింపును సంపాదించుకున్నారు రామ్ చరణ్. ‘ఆర్ఆర్ఆర్’ సినిమాతో పాన్ ఇండియా లెవెల్ లో క్రేజ్ తెచ్చుకున్నారు. ఈ సినిమాలో రామ్ చరణ్ పెర్ఫార్మన్స్ కి నార్త్ ఆడియన్స్ ఫిదా అయిపోయారు. దీంతో ఇప్పుడు బాలీవుడ్ నుంచి కూడా రామ్ చరణ్ కి ఆఫర్లు వస్తున్నట్లు సమాచారం. ఇదిలా ఉండగా.. కొన్ని రోజులుగా రామ్ చరణ్ ఓ కోలీవుడ్ డైరెక్టర్ తో కలిసి పని చేయబోతున్నట్లు ప్రచారం జరుగుతోంది.
‘ఖైదీ’, ‘మాస్టర్’ వంటి సినిమాలను డైరెక్ట్ చేసిన లోకేష్ కనగరాజ్ కోలీవుడ్ లో బాగా పాపులర్ అయ్యారు. ప్రస్తుతం ఆయన ‘విక్రమ్’ అనే సినిమాను రూపొందిస్తున్నారు. ఇందులో కమల్ హాసన్, విజయ్ సేతుపతి, ఫహద్ ఫాజిల్ లాంటి నటులు నటిస్తున్నారు. ఇటీవల విడుదలైన ఈ సినిమా ట్రైలర్ ఓ రేంజ్ లో ఉంది. ఈ సినిమా విడుదలైన తరువాత లోకేష్ కనగరాజ్ క్రేజ్ మరింత పెరగడం ఖాయం. అయితే చాలా రోజులుగా లోకేష్..
రామ్ చరణ్ హీరోగా ఓ సినిమా చేయాలనుకుంటున్నారట. ఇదొక బైలింగ్యువల్ స్క్రిప్ట్ అని.. తెలుగు, తమిళ భాషల్లో తెరకెక్కించే విధంగా ప్లాన్ చేస్తున్నారట. ఈ కథను నేరేట్ చేయడానికి లోకేష్ కనగరాజ్.. రామ్ చరణ్ అపాయిట్మెంట్ ను అడిగినట్లు సమాచారం. కానీ ఇప్పటివరకు కథా చర్చలు జరగలేదని తెలుస్తోంది.
ప్రస్తుతం రామ్ చరణ్.. శంకర్ దర్శకత్వంలో సినిమా చేస్తున్నారు. ఇది పూర్తి కాగానే గౌతమ్ తిన్ననూరితో కలిసి సినిమా చేయబోతున్నారు. లోకేష్ కనగరాజ్ కి కూడా ఓకే చెబితే గనుక రామ్ చరణ్ లిస్ట్ లో ఇదొక క్రేజీ ఫిల్మ్ అవుతుంది. మరి చరణ్ దీనికి ఒప్పుకుంటారో లేదో చూడాలి!
Most Recommended Video
‘తొలిప్రేమ’ టు ‘ఖుషి’.. రిపీట్ అవుతున్న పాత సినిమా టైటిల్స్ ఇవే..!
ఈ 12 మంది మిడ్ రేంజ్ హీరోల కెరీర్లో అత్యధిక కలెక్షన్లు రాబట్టిన సినిమాలు ఇవే..!
ఈ 10 మంది సౌత్ స్టార్స్ తమ బాలీవుడ్ ఎంట్రీ పై చేసిన కామెంట్స్ ఏంటంటే..!
