ఫిదా సినిమాతో టాలీవుడ్ ఇండస్ట్రీలోకి ఎంట్రీ ఇచ్చిన సాయిపల్లవి సినీ కెరీర్ లో వైవిధ్యంతో కూడిన కథలను ఎంచుకుంటూ కొత్త సినిమా ఆఫర్లను, విజయాలను సొంతం చేసుకుంటున్నారు. ఈ ఏడాది సాయిపల్లవి నటిస్తున్న లవ్ స్టోరీ, విరాటపర్వం, శ్యామ్ సింగరాయ్ సినిమాలు రిలీజ్ కానుండగా మూడు భిన్నమైన పాత్రల్లో సాయిపల్లవి నటిస్తుండటం గమనార్హం. అయితే ఒక సెంటిమెంట్ వల్ల సాయిపల్లవి ఫ్యాన్స్ తెగ టెన్షన్ పడుతున్నారు. శర్వానంద్, సాయిపల్లవి కాంబినేషన్ లో పడిపడే లేచే మనస్సు అనే సినిమా తెరకెక్కగా బాక్సాఫీస్ దగ్గర ఆ సినిమా ఫ్లాప్ రిజల్ట్ ను అందుకున్న సంగతి తెలిసిందే.
ఆ సినిమాలో సాయిపల్లవి బెంగాలీ భామగా నటించారు. ప్రస్తుతం నాని హీరోగా తెరకెక్కుతున్న శ్యామ్ సింగరాయ్ సినిమాలో కూడా బెంగాళీ అమ్మాయిగా సాయిపల్లవి నటిస్తుండటంతో ఈ సినిమాతోనైనా సాయిపల్లవి హిట్ అందుకోవాలని ఆమె ఫ్యాన్స్ భావిస్తున్నారు. సాయిపల్లవి సెంటిమెంట్ ను బ్రేక్ చేయాలని ఫ్యాన్స్ కోరుకుంటుండగా ఫ్యాన్స్ కోరిక నెరవేరుతుందో చూడాల్సి ఉంది. పడి పడి లేచే మనస్సు ఫ్లాప్ సెంటిమెంట్ సాయిపల్లవిని కూడా భయపెడుతోందని తెలుస్తోంది.
శ్యామ్ సింగరాయ్ సినిమా షూటింగ్ ఇప్పటికే కొంత భాగం పూర్తి కాగా నవంబర్ లేదా డిసెంబర్ లో ఈ సినిమా రిలీజయ్యే అవకాశాలు కనిపిస్తున్నాయి. కృతిశెట్టి ఈ సినిమాలో మరో హీరోయిన్ గా నటిస్తుండటం గమనార్హం. సాయిపల్లవి నటిగా ప్రూవ్ చేసుకుంటున్నా ఈ మధ్య కాలంలో ఆమె నటించిన సినిమాలు బాక్సాఫీస్ దగ్గర హిట్ కాలేదు. సాయిపల్లవి ఈ ఏడాది కచ్చితంగా విజయాలను సొంతం చేసుకుంటారని ఫ్యాన్స్ అభిప్రాయపడుతున్నారు.
Most Recommended Video
ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
