రౌడీ బేబీ ఫ్యాన్స్ కి షాకిస్తుందా..?

టాలీవుడ్ లో హిట్ సినిమాతో ఎంట్రీ ఇచ్చిన సాయి పల్లవి అతి తక్కువ సమయంలో టాప్ హీరోయిన్ గా గుర్తింపు తెచ్చుకుంది. కేవలం గ్లామర్ పాత్రలకు పరిమితం కాకుండా.. తన పాత్రకు ప్రాధాన్యత ఉన్న సినిమాలను మాత్రమే ఎన్నుకుంటూ ప్రత్యేకతను చాటుకుంటోంది. ఇటీవల ‘పావ కథైగల్’ అనే వెబ్ సినిమాలో నిండు గర్భిణిగా నటించి ఆకట్టుకుంది. ఇప్పటివరకు సూర్య, ధనుష్, నాని లాంటి అగ్ర హీరోలతో కలిసి నటించిన ఈ బ్యూటీ ఇప్పుడు ఓ క్యారెక్టర్ ఆర్టిస్ట్ సరసన హీరోయిన్ గా కనిపించనుందని సమాచారం.

కోలీవుడ్ వర్గాల సమాచారం ప్రకారం.. కాళీ వెంకట్ అనే క్యారెక్టర్ ఆర్టిస్ట్ ప్రధాన పాత్రలో ఓ సినిమాను రూపొందిస్తున్నారు. ఈ చిత్ర దర్శకనిర్మాతలు హీరోయిన్ పాత్ర కోసం సాయి పల్లవిని సంప్రదించారట. సాయిపల్లవి ఈ ప్రాజెక్ట్ కి గ్రీన్ సిగ్నల్ ఇవ్వబోతుందని చెబుతున్నారు. అదే గనుక జరిగితే పెద్ద విషయమనే చెప్పాలి. సాధారణంగా ఫామ్ లో ఉన్న ఏ హీరోయిన్ కూడా క్యారెక్టర్ ఆర్టిస్ట్, కమెడియన్ లతో రొమాన్స్ చేయడానికి ముందురారు.

కానీ సాయి పల్లవి అంగీకరిస్తే మాత్రం ఈ ప్రాజెక్ట్ హాట్ టాపిక్ గా మారడం ఖాయం. ఆమె అగ్రిమెంట్ మీద సైన్ పెట్టిన వెంటనే అఫీషియల్ గా అనౌన్స్ చేయాలని చూస్తున్నారు నిర్మాతలు. ప్రస్తుతం ఈ బ్యూటీ తెలుగులో నటించిన ‘లవ్ స్టోరీ’ సినిమా విడుదలకు సిద్ధంగా ఉంది. అలానే రానాతో కలిసి నటిస్తోన్న ‘విరాటపర్వం’ రిలీజ్ డేట్ కూడా అనౌన్స్ చేశారు. ఈ రెండు సినిమాలతో పాటు నాని ‘శ్యామ్ సింగరాయ్’లో హీరోయిన్ గా నటిస్తోంది.

Most Recommended Video

30 రోజుల్లో ప్రేమించటం ఎలా? సినిమా రివ్యూ & రేటింగ్!
‘జబర్దస్త్’ కమెడియన్ల రియల్ భార్యల ఫోటోలు వైరల్..!
హీరో, హీరోయిన్ల పెయిర్ మాత్రమే కాదు విలన్ ల పెయిర్ లు కూడా ఆకట్టుకున్న సినిమాలు ఇవే..!