ఇండియన్ సినిమా ఇండస్ట్రీలో ఇప్పటివరకు తెరకెక్కిన సినిమాల్లో కల్లా ‘సలార్’ సినిమా అతి పెద్దది అవుతుందా? ఏమో ప్రశాంత్ నీల్‌ ప్లాన్స్‌ వింటుంటే అలానే అనిపిస్తోంది. ఇప్పటికే సినిమాలో అతి పెద్ద స్టార్ కాస్టింగ్‌ను తీసుకొని ఆశ్చర్యపరిచారు. సినిమా రెండు పార్టులు చేస్తారు అంటూ మరో వార్త వస్తోంది. అయితే ఇప్పుడు ఈ సినిమాను ఇంగ్లిష్‌లో కూడ రిలీజ్‌ చేస్తారు అని చెబుతున్నారు. ఇంటర్నేషన్‌ ఆడియన్స్‌ అండ్‌ క్రిటిక్స్‌, సెలబ్రిటీల కోసం ఈజీగా ఉండేందుకు ఈ ఆలోచన చేసినట్లు చెబుతున్నారు.
ప్రభాస్ హీరోగా, శ్రుతి హాసన్‌ హీరోయిన్‌గా ప్రశాంత్ నీల్‌ ‘సలార్’ సినిమాను తెరకెక్కిస్తున్నారు. ఈ సినిమా షూటింగ్ హైదరాబాద్‌లో శరవేగంగా జరుగుతోంది. షూటింగ్ చివరది దశలో ఉన్న ఈ సినిమా పోస్ట్‌ ప్రొడక్షన్‌ పనులు త్వరలో షురూ చేస్తారట. అన్నీ అనుకున్నట్లు జరిగితే ఈ నెలాఖరు లేదా వచ్చే నెల ప్రథమార్ధంలో షూటింగ్ అయిపోతుందని చెబుతున్నారు. ‘ఆర్‌ఆర్ఆర్‌’ సినిమా ఇంటర్నేషనల్‌గా చేసిన హంగామా చూశాక ‘సలార్’ని ఇంగ్లిష్‌లో రిలీజ్‌ చేయాలని అనుకుంటున్నారు అని చెబుతున్నారు.
ఇంటర్నేషనల్‌ వెర్షన్‌ను పాటలు లేకుండా, అలా కొన్ని సన్నివేశాలు లేకుండా సిద్ధం చేస్తారని సమాచారం. అక్కడి ప్రేక్షకుల కోసం షార్ట్‌ అండ్‌ క్రిస్ప్‌గా ఉండేలా ప్లాన్‌ చేస్తున్నారట. ఈ ఏడాది సెప్టెంబర్ 28న సినిమాను మన దేశంతోపాటు విదేశాల్లోనూ విడుదల చేస్తున్నారట. రిలీజ్‌ డేట్‌కి ఇంకా చాలా టైమ్‌ ఉంటడంతో అన్ని భాషల్ని పక్కాగా సిద్ధం చేయాలని అనుకుంటున్నారట. ఇప్పటికే ఈ సినిమా కోసం హాలీవుడ్‌ నిపుణులను తీసుకొచ్చిన విషయం తెలిసిందే.
ఇక ఈ సినిమా శాటిలైట్ హక్కుల్ని స్టార్ మా కొనుగోలు చేసినట్లు సమాచారం. అన్ని భాషలకు కలిపి స్టార్ టీమ్‌ హక్కులు తీసుకుందనే వార్తలు వస్తున్నాయి. దీని కోసం భారీ మొత్తమే వెచ్చించారట. అయితే ఓటీటీ హక్కుల సంగతి తేలాల్సి ఉంది. అవి కూడా త్వరలోనే తేలిపోతాయి అంటున్నారు. ఈ సినిమా ప్రచారాన్ని రిలీజ్‌ డేట్‌కి రెండు నెలల ముందే స్టార్ట్‌ చేస్తారని టాక్‌.
హీలీవుడ్‌లో నటించిన 15 మంది ఇండియన్ యాక్టర్స్ వీళ్లే..!
టాలీవుడ్‌లో గుర్తింపు తెచ్చుకున్న 10 మంది కోలీవుడ్ డైరెక్టర్స్ వీళ్లే..!
తు..తు…ఇలా చూడలేకపోతున్నాం అంటూ…బాడీ షేమింగ్ ఎదురుకున్న హీరోయిన్లు వీళ్ళే
నాగ శౌర్య నటించిన గత 10 సినిమాల బాక్సాఫీస్ పెర్ఫార్మన్స్ ఎలా ఉందంటే?
