నాచురల్ స్టార్ నాని, సమంత కాంబినేషన్ లో ఈగ, ఎటో వెళ్లిపోయింది సినిమాలు తెరకెక్కగా ఈగ బ్లాక్ బస్టర్ హిట్టైతే ఎటో వెళ్లిపోయింది మనస్సు సినిమా మాత్రం ఫ్లాప్ గా నిలిచింది. అయితే నాని సమంత కాంబోలో మరో సినిమా తెరకెక్కనుందని వార్తలు వస్తుండటం గమనార్హం. అయితే ఈ సినిమాకు నాని నిర్మాతగా వ్యవహరించడంతో పాటు గెస్ట్ రోల్ లో కనిపించనున్నారని ఇండస్ట్రీ వర్గాల్లో వినిపిస్తోంది.
పెళ్లి తర్వాత సమంత లేడీ ఓరియెంటెడ్ సినిమాలకు గ్రీన్ సిగ్నల్ ఇస్తూ ఆ సినిమాలతో సక్సెస్ సాధిస్తున్న నేపథ్యంలో పవర్ ఫుల్ లేడీ ఓరియెంటెడ్ కథలో నాని సమంతను నటింపజేసే ప్రయత్నం చేస్తున్నారని తెలుస్తోంది. ప్రస్తుతం నాని టక్ జగదీష్, శ్యామ్ సింగరాయ్ సినిమాలతో బిజీగా ఉన్నారు. ఒకవైపు హీరోగా నటిస్తూనే విభిన్నమైన చిత్రాలను నిర్మిస్తూ ఆ సినిమాలతో విజయాలను సాధిస్తూ నాని తన అభిరుచిని చాటుకుంటున్నారు.
కుటుంబానికి జరిగిన అన్యాయానికి ప్రతీకారం తీర్చుకునే అమ్మాయి పాత్రకు సంబంధించిన కథతో ఈ సినిమా తెరకెక్కనుందని తెలుస్తోంది. సమంత ఈ సినిమాకు గ్రీన్ సిగ్నల్ ఇస్తుందో లేదో చూడాల్సి ఉంది. ఇటీవల ది ఫ్యామిలీ మేన్ 2 వెబ్ సిరీస్ తో సక్సెస్ సాధించిన సమంత ప్రస్తుతం శాకుంతలం సినిమాలో నటిస్తున్న సంగతి తెలిసిందే. నాని సమంత కాంబో మూవీపై క్లారిటీ రావాలంటే మరికొన్ని రోజులు ఆగాల్సిందే. మరోవైపు శాకుంతలం సినిమాలో కీలక పాత్రలో అల్లు అర్హ నటిస్తున్నట్టు అధికారిక ప్రకటన వెలువడింది. అల్లు అర్హ ఈ మూవీలో భరతుని పాత్ర పోషిస్తున్నట్టు తెలుస్తోంది.
Most Recommended Video
పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్
