రామ్‌చరణ్‌ – శంకర్ – దిల్ రాజు కాంబోలో సినిమా ప్రకటించినప్పటి నుంచి టాలీవుడ్‌లో ఒకటే చర్చ. సినిమా ఎలా ఉంటుంది, ఏ జోనర్‌లో తీస్తారు, ఎన్ని రోజుల్లో తీస్తారు, రామ్‌చరణ్‌ను శంకర్ ఎలా చూపించబోతున్నారు. వీటన్నింటికి అధికారికంగా సమాధానం దొరకడానికి చాలా సమయం పట్టొచ్చు. అయితే ఈ లోగా ఇండస్ట్రీలో చర్చకు వస్తున్న అంశాల్లో, తెలుస్తున్న విషయాల్లో ఇంట్రెస్టింగ్‌ అండ్‌ నమ్మకమైన గాసిప్‌ గురించి మాట్లాడుకుందాం. దీనికి కారణం కూడా శంకరే. గతంలో ఆయన చెప్పిన మాటే.
‘ఇండియన్‌ 2’ మొదలైన తర్వాత ఓ సందర్భంలో శంకర్ చెప్పిన మాట ఇప్పుడు వైరల్ అవుతోంది. తన తర్వాతి సినిమా సైన్స్‌ఫిక్షన్‌ తరహాలో ఉండబోతోందని శంకర్ ఆ రోజు చెప్పుకొచ్చారు. అయితే ఇప్పుడు ఆ మాటను, రామ్‌చరణ్‌ను సినిమాను ముడిపెట్టి అభిమానులు అంచనాలు మొదలుపెట్టేసుకుంటున్నారు. శంకర్ అప్పుడు చెప్పినట్లుగా చరణ్‌తో సైన్స్‌ఫిక్షన్‌ మూవీ చేస్తాడు అంటూ సోషల్‌ మీడియాలో చర్చించుకుంటున్నారు. అయితే ఈ విషయంలో దిల్ రాజు కాంపౌండ్‌ నుంచి ఎలాంటి సమాచారం లేదు. శంకర్ ఎలాగూ చెప్పరు, చరణ్ మాట్లాడరు.
‘శంకర్ – రామ్‌చరణ్‌’ సినిమా ఓపెనింగ్‌ ఘనంగా చేయాలని దిల్ రాజు నిర్ణయించుకున్నారట. తన బ్యానర్‌లో 50వ సినిమా కావడంతో దిల్ రాజు ఈ సినిమా ప్రతిష్ఠాత్మకంగా తీసుకున్నారు. అందుకే భారీ కాంబినేషన్‌ కుదిర్చారు. కథ విషయంలో శంకర్ ఆలోచనలు భారీగా ఉంటాయి. డబ్బులు కూడా భారీగానే ఖర్చవుతాయి. మరి సినిమా ఓపెనింగ్‌ నాడు ఏమన్నా సినిమా పాయింట్ చెబుతారా, కాన్సెప్ట్‌ పోస్టర్‌, టైటిల్‌ లాంటివి చెబుతారా అనేది చూడాలి.
Most Recommended Video
ఉప్పెన సినిమా రివ్యూ & రేటింగ్!
ఈ 20 సినిమాలకి ఊరి పేర్లనే పెట్టారు..అయితే ఎన్ని హిట్ అయ్యాయి
తెలుగులో క్రేజ్ ఉన్న ఈ 10 యాంకర్ల వయసు ఎంతో మీకు తెలుసా?
