‘ఇండియన్ 2’ అకా ‘భారతీయుడు 2’… మొన్నీ మధ్య వరకు ఈ సినిమా పేరు ఎత్తితే.. ఏమో ఎప్పుడో ఆగిపోయిందిగా? మళ్లీ మొదలవుతుందో లేదో? తెలియదు అనే సమాధానాలొచ్చేవి. అయితే ‘విక్రమ్’ సినిమా ఈ మొత్తం ఆన్సర్‌ని మార్చేశాయి. అంతేకాదు… సినిమా మీద అభిమానులకు తెలియని నమ్మకాన్ని కలిగించాయి. దానికి కారణం ‘విక్రమ్’ సినిమా ప్రచారంలో కమల్ హాసన్ చేసిన కామెంట్స్‌. ‘ఇండియన్ 2’ త్వరలో ప్రారంభమవుతుందని, శంకర్‌ తన సినిమా పూర్తి చేసుకున్నాక ఈ సినిమా చేస్తారని అంటున్నారు కమల్. అయితే ఇది అంత ఈజీనా.
రామ్‌చరణ్‌ సినిమా తర్వాత శంకర్‌ తన తర్వాతి సినిమాగా ‘ఇండియన్ 2’ చేస్తారా లేదా అనే ప్రశ్నకు ముందు అసలు ఆ సినిమా ఎందుకు ఆగిపోయిందో చూద్దాం. ‘ఇండియన్ 2’ సెట్‌లో కొన్నాళ్ల క్రితం ఓ ప్రమాదం జరిగింది. ఆ ఘటనలో డైరక్షన్‌ టీమ్‌లో కొంతమంది మృత్యువాత పడ్డారు. ఈ విషయంలో నిర్మాతలు, దర్శకుడు శంకర్‌ మధ్య వివాదం నెలకొంది. వారికి ఇవ్వాల్సిన నష్టపరిహారం విషయంలోనూ ఆ చర్చ అని అప్పుడు వార్తలొచ్చాయి.
ఆ తర్వాత అన్నీ సద్దుమణిగి సినిమా స్టార్ట్‌ అవుతుంది అనుకుంటుండగా… కమల్ రాజకీయాల్లోకి వెళ్లిపోయారు. సినిమాల్ని పూర్తిగా పక్కనపెట్టేసి పాలిటిక్స్‌ బాట పట్టారు. దీంతో సినిమా ఆగిపోయింది. ఇక సినిమా ఉండదు అనే మాటలు కూడా వచ్చాయి. కమల్ కోసం వెయిట్‌ చేయలేకే శంకర్‌ వేరే సినిమాలు ఒప్పుకున్నారు అని అంటున్నారు. అయితే ఇప్పుడు కమల్ మళ్లీ ‘నేను రెడీ.. ఇండియన్ 2కి’ అంటున్నాడు. మరి శంకర్‌ ఏమంటాడు?
అందరికీ తెలిసినట్లే శంకర్‌ ప్రస్తుతం రామ్‌చరణ్‌ సినిమా చేస్తున్నాడు. ఈ సినిమా పూర్తవ్వడానికి, విడుదలవ్వడానికి వచ్చే ఏడాది సమ్మర్‌ వచ్చేస్తుంది అంటున్నారు. అంటే అప్పటివరకు ‘ఇండియన్ 2’కి అవకాశం లేదు. పోనీ ఆ తరవాత అయినా అవకాశం ఉంటుందా అంటే హిందీ ‘అపరిచితుడు’ సినిమా చేయాల్సి ఉంది. అక్కడ శంకర్‌ కోసం రణ్‌వీర్‌ సింగ్‌ వెయిట్‌ చేస్తున్నాడు. ఆ సినిమాకు మరో ఏడాది వేసుకోవచ్చు. ఆ లెక్కన ‘ఇండియన్ 2’ మొదలవ్వడానికి రెండేళ్లు పడుతుంది. అప్పటికీ అన్నీ అనుకున్నట్లుగా సాగితే.
Most Recommended Video
‘ఆర్.ఆర్.ఆర్’, ‘అంటే..’ తో పాటు ఎక్కువ నిడివితో వచ్చిన లేటెస్ట్ సినిమాల లిస్ట్..!
‘2.0’ టు ‘విక్రమ్’ తమిళ్ లో భారీ కలెక్షన్లు రాబట్టిన 10 సినిమాల లిస్ట్..!
ఎన్టీఆర్, నాగ చైతన్య.. టు కీర్తి సురేష్, ‘గుండమ్మ కథ’ రీమేక్ కు సూట్ అయ్యే 10 మంది స్టార్లు..!
Home