తమిళ స్టార్ హీరో అజిత్ ఇంటి ముందు ఓ మహిళ ఆత్మహత్య చేసుకోవడానికి ప్రయత్నించింది. అజిత్ ను కలవడానికి చాలా కాలంగా ప్రయత్నిస్తున్నానని.. కానీ ఫలితం లేకుండా పోయిందని.. తన చావుకు అజితే కారణమంటూ కేకలు వేసి ఒంటిపై పెట్రోల్ పోసుకుంది. సమాచారం అందుకున్న పోలీసులు సంఘటనా స్థలానికి చేరుకొని పరిస్థితిని అదుపులోకి తీసుకొచ్చారు. ప్రస్తుతం దీనికి సంబంధించిన వీడియో సోషల్ మీడియాలో వైరల్ గా మారింది. అందుతున్న సమాచారం ప్రకారం..
ఫర్జానా అనే మహిళ ఓ ఆసుపత్రిలో నర్సుగా పని చేస్తోంది. గతేడాది అజిత్, తన భార్య షాలినితో కలిసి హాస్పిటల్ కి వెళ్లాడు. ఆ సమయంలో ఫర్జానా వారితో కలిసి ఫోటోలు, వీడియోలు తీసుకొని సోషల్ మీడియాలో పోస్ట్ చేసింది. ఈ క్రమంలో అజిత్ కరోనా బారిన పడ్డారంటూ ఫోటోలు వైరల్ అయ్యాయి. అజిత్ తో సెల్ఫీ ఘటనలో ఆమె ఉద్యోగం పోయింది. ఎంప్లాయ్ రూల్స్ ను ఆమె బ్రేక్ చేసిందంటూ హాస్పిటల్ వర్గాలు ఆమెను విధుల్లో నుంచి తొలగించారు.
అజిత్ హాస్పిటల్ యాజమాన్యంతో మాట్లాడితే తన ఉద్యోగం తిరిగి వస్తుందనే ఆశతో అతడిని కలిసి మాట్లాడాలనుకుంది. కానీ కుదరలేదు. చాలా కాలంగా ప్రయత్నించి విసిగిపోయిన ఆమె తనకు న్యాయం చేయాలంటూ ఏకంగా హీరో ఇంటి ముందు ఆత్మహత్యకు ప్రయత్నించింది. ఆమె ప్రయత్నాన్ని అడ్డుకున్న పోలీసులు ఈ ఘటనపై దర్యాప్తు చేస్తున్నారు.
Most Recommended Video
హిట్ టాక్ వచ్చిన తర్వాత ఈ 10 సినిమాల్లో సీన్స్ లేదా సాంగ్స్ యాడ్ చేశారు..!
‘బిగ్ బాస్5’ ప్రియాంక సింగ్ గురించి ఆసక్తికరమైన విషయాలు..!
ఇప్పటవరకూ ఎవరు చూడని ‘బిగ్ బాస్5’ విశ్వ రేర్ ఫోటో గ్యాలరీ!
Home