KGF2: థర్డ్ వేవ్ లేకపోతే ‘కె.జి.ఎఫ్ 2’ రిలీజ్ డేట్ ఇదేనట..!

ఓ కన్నడ సినిమా కోసం ఇప్పుడు ఇండియా వైడ్ ప్రేక్షకులంతా ఎంతో ఆసక్తిగా ఎదురుచూస్తున్నారు. నిజానికి కన్నడ సినిమాలకు ఆ స్థాయి డిమాండ్ ఉండదు. ఎందుకంటే దాదాపు.. వాళ్ళు రీమేక్ సినిమాలు మాత్రమే చేస్తారు కాబట్టి..! కానీ 2018లో వచ్చిన ‘కె.జి.ఎఫ్’ చిత్రం ఆ ముద్రను చెరిపేసింది.’బాహుబలి’ తర్వాత పాన్ ఇండియా లెవల్లో విజయం సాధించిన సినిమా అదే..! దర్శకుడు ప్రశాంత్ నీల్… ఆ రేంజ్ లో ఆ చిత్రాన్ని తెరకెక్కించాడు.

అందుకే త్వరలో రాబోయే ‘కె.జి.ఎఫ్ 2’ చిత్రం గురించి ప్రేక్షకుల్లో ఆసక్తి నెలకొంది.యష్ బర్త్ డే సందర్భంగా విడుదల చేసిన టీజర్ కూడా అప్పటివరకు ఉన్న అంచనాలను డబుల్ చేసింది. దీంతో ‘కె.జి.ఎఫ్2’ కి బిజినెస్ కూడా భారీ స్థాయిలో జరిగింది. ఇక ‘కె.జి.ఎఫ్ 2’ లేటెస్ట్ అప్డేట్ విషయానికి వస్తే.. ఈ చిత్రం షూటింగ్ 95 శాతం పూర్తయింది. పోస్ట్ ప్రొడక్షన్ పనులు కూడా మొదలుపెట్టారు. కరోనా సెకండ్ వేవ్ ఎఫెక్ట్ కనుక లేకపోతే జూలైలోనే ఈ చిత్రం విడుదలై ఉండేది. కానీ మళ్ళీ వాయిదా పడాల్సిన పరిస్థితి ఏర్పడింది.

జూలై చివరి నాటికి ‘కె.జి.ఎఫ్ 2’ ఫైనల్ కాపీ రెడీ అయ్యే అవకాశాలు ఉన్నాయి. అప్పటికి పరిస్థితి చక్కబడి 100 శాతం ఆక్యుపెన్సీతో కనుక థియేటర్లు రన్ అయితే.. అలాగే ప్రేక్షకులు థియేటర్లకు రావడం మొదలుపెడితే ‘కె.జి.ఎఫ్ 2’ విడుదలకు సన్నాహాలు మొదలవుతాయి. అందుతున్న సమాచారం ప్రకారం.. సెప్టెంబర్ 9న ఈ చిత్రం విడుదలయ్యే అవకాశాలు కనిపిస్తున్నాయి. థర్డ్ వేవ్ ఎఫెక్ట్ కనుక మొదలైతే మళ్ళీ సినిమా పోస్ట్ పోన్ అవ్వడం ఖాయం..!

Most Recommended Video

బాలకృష్ణ మిస్ చేసుకున్న సినిమాల లిస్ట్.. హిట్లే ఎక్కువ..!
సింహా టైటిల్ సెంటిమెంట్ బాలయ్యకి ఎన్ని సార్లు కలిసొచ్చిందో తెలుసా?
26 ఏళ్ళ ‘పెదరాయుడు’ గురించి ఈ 10 సంగతులు మీకు తెలుసా?