Yash, Dil Raju: తెలుగులో స్ట్రైట్ మూవీ చేయబోతున్న కె.జి.ఎఫ్ హీరో..!

June 23, 2022 / 03:03 PM ISTByFilmy Focus

Join Us

Yash, Dil Raju: తెలుగులో స్ట్రైట్ మూవీ చేయబోతున్న కె.జి.ఎఫ్ హీరో..!

‘కె.జి.ఎఫ్ చాప్టర్ 1’ ‘కె.జి.ఎఫ్ చాప్టర్ 2’ చిత్రాలతో దేశవ్యాప్తంగా స్టార్ ఇమేజ్ ను సంపాదించుకున్నాడు కన్నడ స్టార్ హీరో యష్. రాఖీ భాయ్ గా అతను తెలుగు ప్రేక్షకులకు కూడా చాలా దగ్గరయ్యాడు.సాధారణంగా కన్నడ సినిమాలకు అంతంత మాత్రమే గుర్తింపు వస్తుంది. వాళ్ళ సినిమాలకు రూ.40 కోట్ల మార్కెట్ ఉందంటే అది చాలా ఎక్కువగా భావిస్తూ ఉంటారు. ఎక్కువగా వాళ్ళు కూడా రీమేక్ సినిమాలే చేస్తుంటారు. వాళ్లకు రైట్స్ కొనుగోలు చేయకుండా ఏ సినిమాని అయినా రీమేక్ చేసుకునే వెసులుబాటు ఉంది.

కానీ ‘కె.జి.ఎఫ్'(సిరీస్) మాత్రం ఓ ట్రెండ్ సెట్టర్ గా నిలిచింది. అక్కడి ఫిలిం మేకర్స్ కూడా పాన్ ఇండియా సినిమాలు చేసే విధంగా అడుగులు వేస్తున్నారు. కానీ యష్ మాత్రం ఆల్రెడీ రూ.1000 కోట్ల హీరో అయిపోయాడు. ప్రస్తుతం అతనికి రూ.100 కోట్ల మార్కెట్ ఈజీగా ఉంటుంది. కానీ అతన్ని మార్కెట్ ను దృష్టిలో పెట్టుకుని సినిమాలు చేసే దర్శకులు కన్నడలో లేరు. ప్రస్తుతం నార్తన్ అనే దర్శకుడితో తన తర్వాతి సినిమా చేయబోతున్నాడు యష్. ఇందులో పూజా హెగ్డే కథానాయికగా నటిస్తుంది.

మరో పక్క తెలుగులో కూడా ఓ స్ట్రైట్ మూవీ చేయడానికి యష్ అంగీకరించాడు. దిల్ రాజు నిర్మాణంలో ఓ చిత్రం చేయబోతున్నాడు. దర్శకుడి పేరు ఇంకా బయటకు రాలేదు కానీ ఇది కూడా పాన్ ఇండియా మూవీగా తెరకెక్కనుంది.పక్క భాషల్లోని స్టార్ హీరోల క్రేజ్ ను వాడుకోవడానికి ఈ మధ్య కాలంలో దిల్ రాజు ఇంట్రెస్ట్ చూపిస్తున్నారు.

తన ‘శ్రీ వెంకటేశ్వర క్రియేషన్స్’ బ్యానర్ ఇమేజ్ ను సౌత్, నార్త్ లకు పాటించాలని ఆయన తాపత్రయ పడుతున్నారు. అందులో బాలీవుడ్లో జెర్సీ చేశారు. అది బెడిసికొట్టింది. ఇప్పుడు తమిళ్ మార్కెట్ కోసం విజయ్ తో ‘వారసుడు’ అనే సినిమాని నిర్మిస్తున్నారు. ఇప్పుడు కన్నడ మార్కెట్ పై కన్నేసినట్టు తెలుస్తుంది. అందుకే యష్ తో ఆయన సినిమా చేయబోతున్నారు.