రాజమౌళి గారి సినిమాలో నేను నటించడం లేదు

రాజమౌళి డైరెక్షన్ లో వస్తున్న భారీ మల్టీస్టార్ సినిమా ఆర్.ఆర్.ఆర్. ఈ సినిమా షూటింగ్ ఇటీవలే ప్రారంభమైన విషయం తెలిసిందే. ప్రస్తుతం హైదరాబాద్ లో వేసిన భారీ సెట్ లో యాక్షన్ సీన్స్ ని షూట్ చేస్తున్నారు. ఇక సినిమా ప్రారంభం అయితే అయింది కానీ సినిమాలో వేరే ఇతర ముఖ్య పాత్రల్లో ఎవరు నటిస్తున్నారనేది మాత్రం సస్పెన్స్ గా మారింది. దీంతో షూటింగ్ ప్రారంభమైనప్పటి నుండి రూమర్స్ మొదలైయ్యాయి. అయితే ఈ సినిమాలో కన్నడ స్టార్ హీరో కూడా నటిస్తున్నారనే వార్త ఒకటి బయటికి వచ్చింది.

ఇక విషయంలోకి వెళితే, జక్కన్నసినిమాలో విలన్ రోల్ అంటే చాలా పవర్ ఫుల్ గా ఉంటుంది. భారీ మల్టీస్టార్ గా తీస్తున్న ఈ సినిమాలో ఇద్దరు స్టార్ హీరోలు నటిస్తుండగా వారికీ ధీటుగా ప్రతినాయకుడి పాత్రకి కన్నడ స్టార్ హీరో అయినా యష్ ని సంప్రదించినట్లు వార్తలు రావడంతో, వీటిపైనా కన్నడ హీరో యష్ స్పదింస్తు రాజమౌళి గారి సినిమాలో నేను నటించడం లేదు, నన్ను ఇప్పటివరకు ఎవరు కూడా సంప్రదించలేదు, ఒకవేళ కనుక రాజమౌళి గారు ఆ పాత్రకి నేను సరిపోతానని నన్ను చేయమంటే తప్పకుండ నేను చేయడానికి రెడీ అంటూ చెప్పేసాడు. మరి జక్కన్న సినిమాలో ప్రతినాయకుడి పాత్ర ఎవరు చేస్తారనే సస్పెన్స్ వీడాలంటే మరికొన్ని రోజులు ఎదురుచూడక తప్పదు అని అంటున్నారు.