Sarkaru Vaari Paata: మహేష్ మూవీపై విజయసాయిరెడ్డి అలా అన్నారా?

May 12, 2022 / 06:48 PM ISTByFilmy Focus

Join Us

Sarkaru Vaari Paata: మహేష్ మూవీపై విజయసాయిరెడ్డి అలా అన్నారా?

మహేష్ బాబు, కీర్తి సురేష్ జంటగా నటించిన సర్కారు వారి పాట సినిమాకు మహేష్ ఫ్యాన్స్ ఆశించిన స్థాయిలో పాజిటివ్ టాక్ రాలేదు. భరత్ అనే నేను, మహర్షి, సరిలేరు నీకెవ్వరు సినిమాలతో వరుస విజయాలను అందుకున్న మహేష్ బాబుకు సర్కారు వారి పాట రిజల్ట్ తో షాక్ తప్పదని కామెంట్లు వినిపిస్తున్నాయి. సోషల్ మీడియాలో యాంటీ ఫ్యాన్స్ ఈ సినిమాకు చేస్తున్న నెగిటివ్ ప్రచారం కూడా ఈ సినిమాకు మైనస్ అయింది.

అయితే వైసీపీ రాజ్యసభ ఎంపీ విజయసాయిరెడ్డి సర్కారు వారి పాట సినిమాకు రివ్యూ ఇచ్చారు. సర్కారు వారి పాట మూవీ సమకాలీన అంశాలను సృశిస్తూ సాగిన మెసేజ్ ఓరియెంటెడ్ సినిమా అని విజయసాయిరెడ్డి అన్నారు. సర్కారు వారి పాట మూవీ చాలా బాగుందని ఆయన కామెంట్ చేశారు. బ్యాంకులు పేదవాళ్లకు, పెద్దవాళ్లకు అప్పులు ఇచ్చే విధానంలో ఏ విధంగా తేడా చూపిస్తారో ఈ సినిమాలో బాగా చూపించారని విజయసాయిరెడ్డి అన్నారు.

స్టార్ హీరో మహేష్ బాబుకు ఆల్ ది బెస్ట్ అంటూ విజయసాయిరెడ్డి చెప్పుకొచ్చారు. విజయసాయిరెడ్డి చేసిన ట్వీట్ మహేష్ అభిమానులను ఎంతగానో ఆకట్టుకుంటోంది. మహేష్ బాబు ఫ్యాన్స్ ఈ ట్వీట్ ను నెట్టింట వైరల్ చేస్తున్నారు. సాధారణంగా విజయసాయిరెడ్డి సినిమాలకు సంబంధించిన విషయాలకు దూరంగా ఉంటారు. అయితే సర్కారు వారి పాట మూవీపై ఆయన స్పెషల్ గా కామెంట్ చేయడం గమనార్హం.

ఈ వీకెండ్ లో సర్కారు వారి పాట బాగానే కలెక్షన్లను సాధించే ఛాన్స్ ఉందని వీకెండ్ తర్వాత ఈ సినిమా బాక్సాఫీస్ వద్ద సత్తా చాటుతుందో లేదో చెప్పలేమని నెటిజన్లు చెబుతున్నారు. సర్కారు వారి పాట ఫుల్ రన్ కలెక్షన్లు ఏ విధంగా ఉండబోతున్నాయో చూడాల్సి ఉంది. ఈ సినిమాకు భారీగానే ఖర్చైందని తెలుస్తోంది. మైత్రీ నిర్మాతలకు ఈ సినిమా నష్టాలను మిగిల్చే అవకాశాలు కనిపిస్తున్నాయి.