Prabhas: ప్రభాస్ ఇమేజ్ పై మోజు పడుతున్న హీరోలు!

టాలీవుడ్‌లో పాన్ ఇండియా రెబల్ స్టార్ ప్రభాస్ (Prabhas) క్రేజ్ గురించి ప్రత్యేకంగా చెప్పక్కర్లేదు. ఆయన స్థాయికి చేరుకోవాలని, ఆయన లాంటి అదృష్టం తమకూ కలిసిరావాలని ఇద్దరు యంగ్ హీరోలు కలలు కంటున్నారు. వాళ్ళు మరెవరో కాదు.. ఒకరు లవర్ బాయ్ నాగ శౌర్య, ఇంకొకరు యంగ్ హీరో సుమంత్ ప్రభాస్. వీరిద్దరూ ప్రభాస్ ఇమేజ్ పై మోజు పెంచుకుంటున్నారు. అందుకు తగ్గట్టు ఇమిటేషన్ కూడా చేసేస్తుండటం గమనార్హం. ప్రభాస్ ఇప్పుడు పాన్ ఇండియా స్టార్. అతని లక్ నాకు కూడా కలిసి రావాలని ఆశిస్తున్నట్టు ‘బ్యాడ్ బాయ్ కార్తీక్’ ప్రమోషన్స్ లో  నాగశౌర్య తెలిపాడు.

Prabhas

ఆ సినిమాలో శ్రీదేవి విజయ్ కుమార్ కూడా కీలక పాత్ర పోషించింది. ప్రభాస్ ఫస్ట్ మూవీ ‘ఈశ్వర్’ లో శ్రీదేవి విజయ్‌కుమార్ ప్రభాస్ కు జోడీగా నటించిన సంగతి తెలిసిందే. కాబట్టి శ్రీదేవి విజయ్ కుమార్ వంకతో తన మనసులో మాటని బయటపెట్టాడు శౌర్య. ఆ సినిమాలో యాక్షన్ ఎపిసోడ్స్ చూసుకుంటే ప్రభాస్ శైలిని కాపీ కొట్టినట్టు అనిపిస్తాయి. అంతకు ముందు శౌర్య చేసిన ‘రంగబలి’ లో ‘మిర్చి’ రిఫరెన్స్ తో ఓ యాక్షన్ ఎపిసోడ్ ఉంటుంది. అలాగే ‘వరుడు కావలెను’ సినిమాలో నాగ శౌర్య డ్రెస్సింగ్, యాటిట్యూడ్ వంటివి అన్నీ ప్రభాస్ ని కాపీ కొట్టినట్టే అనిపిస్తాయి.

యంగ్ హీరో సుమంత్ ప్రభాస్ కూడా సేమ్ ఇదే పద్దతిని అనుసరిస్తూ ఉంటాడు. ప్రభాస్ ఫ్యాన్స్ ని తన వైపు తిప్పుకునేందుకు సుమంత్ గా ఉన్న తన పేరుని సుమంత్ ప్రభాస్ గా మార్చుకున్నాడు. అలాగే ఇటీవల ‘డార్లింగ్’ సినిమా రీ రిలీజ్ అయితే థియేటర్ విజిత్ కి వెళ్ళి.. కవరేజ్ చేయించుకున్నాడు. అలాగే డ్రెస్సింగ్ స్టయిల్ కూడా చాలా వరకు ప్రభాస్ ని కాపీ కొడుతూ ఉంటాడు. ఇంకో విషయం ఏంటంటే.. నాగ శౌర్య, సుమంత్ ప్రభాస్..లు ఆఖరికి ప్రభాస్ పాటించే మర్యాదల్ని, హాస్పిటాలిటీని కూడా కాపీ కొట్టేస్తుండటం గమనార్హం.

సరే ఆశకి హద్దు ఉండాల్సిన అవసరం లేదు. కష్టపడితే ప్రభాస్ రేంజ్ కి వీళ్ళు కూడా రీచ్ అవ్వోచ్చేమో. కానీ ప్రభాస్ రేంజ్ లక్ కలిసి రావాలి అని అనుకోవడం అతిశయోక్తి అనిపించుకుంటుంది. ఎందుకంటే.. ప్రభాస్ కూడా తన కెరీర్లో చాలా స్ట్రగుల్ అయ్యాడు. ‘ఛత్రపతి’ తర్వాత అతన్ని వరుస పరాజయాలు వెంటాడాయి. కాకపోతే జనాలు ప్రభాస్ ని ఓన్ చేసుకున్నారు. అతని స్క్రీన్ ప్రెజన్స్ కి అందరూ ఆకర్షితులే. దానికి తోడు ‘బాహుబలి’ కి అతను డెడికేటెడ్ గా పనిచేసిన విధానం ఏదైతే ఉందో.. అది అతన్ని పాన్ ఇండియా స్టార్ గా నిలబెట్టింది. కేవలం లక్కు, లాటరీ, రాజమౌళి పేర్లు చెప్పి ప్రభాస్ స్థాయిని తగ్గించకూడదు. యంగ్ హీరోలు ప్రభాస్ ఇమేజ్ ను ఆశించకూడదు.

‘అగధ’ ముందు ఎవ్వరి ఆటలూ సాగవు: ఎమ్మెస్ రాజు ‘అగధ’ టీజర్ వచ్చేసింది