హిట్టు కొట్టిన డైరెక్టర్ ని లైన్లో పెట్టడం అంత ఈజీ కాదు.. మార్కింగ్ షో అయిన వెంటనే డైరెక్టర్ కి అడ్వాన్స్ బుకింగ్ చేసేసుకుంటారు. కాస్త ముందుచూపున్న వాళ్లు అంతకంటే ముందే కర్చీఫ్ వేసి తమ వైపుకి లాగేసుకుంటారు. హీరోలు, నిర్మాతలు ఇండస్ట్రీలో ఎలాంటి సినిమాలు వస్తున్నాయని తెలుసుకొని.. బజ్ ని బట్టి దర్శకుడిని లాక్ చేస్తుంటారు. అలా.. ఇప్పుడు అందరి దృష్టిని ఆకర్షిస్తున్న దర్శకుడు బుచ్చిబాబు సానా. సుకుమార్ దగ్గర ఎన్నో సినిమాలకు శిష్యుడిగా పని చేసిన బుచ్చిబాబు ‘ఉప్పెన’ సినిమాతో దర్శకుడిగా పరిచయం కానున్నాడు.
ఈ సినిమా ట్రైలర్, పాటలు ఆకట్టుకోవడంతో అందరి దృష్టి దర్శకుడిపై పడింది. అందుకే బుచ్చిబాబుని లైన్ లో పెట్టడానికి చాలా మంది నిర్మాతలు, హీరోలు సిద్ధమైపోయారు. ఇప్పటికే మైత్రి మూవీస్ రెండో సినిమా కూడా తమకే చేయాలని బుచ్చిబాబుతో ఒప్పందం చేసుకుంది. హారిక అండ్ హాసిని సంస్థ, డీవీవీ దానయ్య లాంటి వాళ్లు కూడా బుచ్చిబాబుతో సినిమాలు చేయడానికి ప్లాన్ చేస్తున్నారు. నితిన్, నాని లాంటి యంగ్ హీరోలు బుచ్చిబాబుతో సినిమాలు చేయడానికి రెడీ అంటున్నారట.
సాయి ధరమ్ తేజ్ కూడా ఓ కథ ఉంటే చెప్పమని అడిగాడట. సినిమా ఎలా ఉన్నా అవకాశం ఇవ్వడానికి ఫామ్ లో ఉన్న ఓ యంగ్ హీరో ఉత్సాహం చూపిస్తున్నట్లు తెలుస్తోంది. మొత్తానికి ఇండస్ట్రీలో అందరి దృష్టి ఇప్పుడు ఈ యంగ్ డైరెక్టర్ పై పడింది. ఫిబ్రవరి 12న విడుదలయ్యే సినిమాపై ఈ డైరెక్టర్ జాతకం ఆధారపడి ఉంది.
Most Recommended Video
జాంబీ రెడ్డి సినిమా రివ్యూ & రేటింగ్!
తెలుగులో క్రేజ్ ఉన్న ఈ 10 యాంకర్ల వయసు ఎంతో మీకు తెలుసా
శృతీ ఈ సినిమాలను రిజెక్ట్ చేసి మంచి పనే చేసిందా..?
