సత్యదేవ్ (Satya Dev) . , డాలీ ధనంజయ హీరోలుగా తెరకెక్కిన మూవీ ‘జీబ్రా’ (Zebra) . ప్రియా భవానీ శంకర్ (Priya Bhavani Shankar), జెన్నిఫర్ పిషినాటో హీరోయిన్లుగా నటించారు. కోవిడ్ టైంలో ‘పెంగ్విన్’ వంటి డిఫరెంట్ థ్రిల్లర్ ను అందించిన ఈశ్వర్ కార్తీక్ (Eashvar Karthic) ఈ చిత్రానికి దర్శకుడు. ఎస్.ఎస్.రెడ్డి (S N Reddy) ఎస్.పద్మజ, బాల సుందరం, దినేష్ సుందరం..లు నిర్మించిన ఈ చిత్రం నవంబర్ 22న విడుదల కాబోతుంది. ఈ చిత్రం టీజర్, ట్రైలర్..లకి మంచి రెస్పాన్స్ వచ్చింది. మెగాస్టార్ చిరంజీవి (Chiranjeevi) ఈ చిత్రం ప్రీ రిలీజ్ ఈవెంట్ కి గెస్ట్ గా రావడం..
సినిమా గురించి చాలా గొప్పగా చెప్పడంతో డిజిటల్ రైట్స్ మంచి రేటుకే సేల్ అయ్యాయి. తెలుగుతో పాటు కన్నడ, హిందీ, తమిళ భాషల్లో ఏక కాలంలో ఈ చిత్రం విడుదల కాబోతోంది. ఆల్రెడీ ఈ చిత్రాన్ని కొంతమంది పెద్దలు వీక్షించడం జరిగింది. అనంతరం తమ అభిప్రాయాన్ని తెలియజేశారు. వారి టాక్ ప్రకారం.. ఇది ఒక కామెడీ, సస్పెన్స్ అంశాలతో రూపొందిన థ్రిల్లర్ మూవీ అని తెలుస్తుంది. సినిమా ఫస్ట్ హాఫ్ లో బ్యాంక్ నేపథ్యంలో వచ్చే సన్నివేశాలు ఆకట్టుకుంటాయట.
అక్కడక్కడా కామెడీ కూడా వర్కౌట్ అయ్యిందని అంటున్నారు. ఇక సెకండాఫ్ లో వచ్చే ట్విస్ట్..లు థ్రిల్లింగ్ ఎలిమెంట్స్ మెప్పిస్తాయట. 2 గంటల 44 నిమిషాల నిడివి కలిగి ఉన్న ఈ సినిమాలో ప్రొడక్షన్ వాల్యూస్ చాలా రిచ్ గా అనిపిస్తాయట. దాదాపు 25 కోట్ల బడ్జెట్ తో ఈ చిత్రాన్ని నిర్మించినట్టు తెలుస్తుంది. సినిమాటోగ్రఫీ, రవి బసృర్ (Ravi Basrur) అందించిన బ్యాక్ గ్రౌండ్ స్కోర్ కూడా ఆకట్టుకుంటాయట. మరి మార్నింగ్ షోలు ముగిశాక ఎలాంటి టాక్ వస్తుందో చూడాలి
