వచ్చే ఏడాది పవన్, మహేష్ డైరీల్లో ఖాళీ లేదు

టాలీవుడ్ లో హిట్, ఫ్లాప్ తో సంబంధం లేకుండా సినిమాకు, సినిమాకు రేంజ్ పెరిగే హీరోల్లో పవర్ స్టార్ పవన్ కళ్యాణ్, సూపర్ స్టార్ మహేష్ బాబు ముందుంటారు. మొదటి నుంచి ఒక సినిమా తరవాత మరొకటి అనే సూత్రంతో వచ్చిన వీరు ఈ మధ్య గేర్ మార్చారు. ఒక సినిమా సెట్స్ మీద ఉండగానే మరో సినిమా ఒకే చేస్తున్నారు. ఏకకాలంలో రెండు చిత్రాల్లో నటించేందుకు కూడా వెనుకాడడం లేదు. ఇలా వచ్చే ఏడాది వారి డైరీల్లో ఖాళీలేకుండా పోయింది. పవన్ కళ్యాణ్ ప్రస్తుతం కాటమ రాయుడు షూటింగ్ లో బిజీగా ఉన్నారు. దీన్ని సాధ్యమైనంత వరకు తొందరగా పూర్తి చేసి మాటల మాంత్రికుడు త్రివిక్రమ్ శ్రీనివాస్ మూవీని పట్టాలెక్కించాలని చూస్తున్నారు. అది పూర్తి కాక ముందే ఆర్ టీ నేసన్ దర్శకత్వంలో సినిమాను ప్రారంభించనున్నారు.

ప్రస్తుతం మహేష్ బాబు ఏఆర్ మురుగదాస్ దర్శకత్వంలో ద్విభాషా చిత్రంలో నటిస్తున్నారు. దీని తర్వాత కొరటాల శివతో సినిమా చేయనున్నారు. వెంటనే వంశీ పైడిపల్లీ మూవీ మొదలు కానుంది. వీటికోసం మహేష్, పవన్ ఇద్దరూ డేట్స్ కేటాయించారు. ఇలా 2017 లో ఫ్యామిలీతో గడపడానికి కూడా టైం ఉండదని భావించిన స్టార్ హీరోలు డిసెంబర్ చివర్లో కుటుంబసభ్యులతో కలిసి టూర్ ప్లాన్ చేశారు. డిసెంబర్ 27 నుంచి మహేష్ పది రోజుల పాటు ఇటలీ, లండన్ చుట్టి రావడానికి సిద్ధమయ్యారు. పవన్ కూడా తన భార్య అన్న లెజినోవా తో కలిసి ఈనెల చివరి వారంలో ఆస్ట్రేలియా పయనం అయ్యేందుకు డిసైడ్ అయ్యారు. ఇలా ఇద్దరూ కొత్త సంవత్సరాన్ని విదేశాల్లో సెలబ్రేట్ చేసుకోనున్నారు. టూర్ నుంచి తిరిగి వచ్చిన తర్వాత  షూటింగ్ ల్లో బిజీ కానున్నారు.

Also, do SUBSCRIBE to our YouTube channel to get latest Tollywood updates.