పాతికేళ్ల కెరీర్ లో పవన్ లో చూడనిది ఇదే…!

పవన్ ఫ్యాన్స్ కి ఊహించని ట్విస్ట్లు ఇస్తున్నాడు. వరుసగా సినిమాలు ప్రకటిస్తూ వాళ్ళని షాక్ కి గురి చేస్తున్నాడు. అసలు పవన్ సినిమానే చేయడు… వస్తున్నవన్ని పుకార్లే అనుకుంటున్న సమయంలో సడన్ గా పింక్ మూవీ సెట్స్ లో దర్శనమిచ్చారు. ఇక గత నెల 29న క్రిష్ మూవీ, నేడు హరీష్ శంకర్ తో మూవీ ప్రకటించి వారిని ఒకింత అయోమయానికి గురిచేశారు. దానికి కారణం ఇండస్ట్రీ లో పవన్ చేసినంత నెమ్మదిగా ఎవరూ చిత్రాలు చేయరు. ఇప్పటి స్టార్ హీరోలుగా ఉన్న మహేష్, ఎన్టీఆర్ వంటి హీరోల కంటే ఓ ఐదేళ్లు క్రితమే పవన్ ఎంట్రీ ఇచ్చారు. ఆయన నటించిన మొదటి చిత్రం అక్కడ అమ్మాయి ఇక్కడ అబ్బాయి 1996లో విడుదల అయ్యింది. అంటే ఆయన సినీ రంగ ప్రవేశం చేసి దాదాపు 25 ఏళ్లు. ఈ 25ఏళ్లలో ఆయన చేసింది కేవలం 25 సినిమాలు మాత్రమే.

ఏళ్లకు ఏళ్ళు అభిమానులను తన సినిమా కోసం ఎదురుచూసేలా చేయడం పవన్ కి అలవాటు. 1998, 2006, 2011, 2012 సంవత్సరాలలో మాత్రమే ఆయన రెండు చిత్రాలు విడుదల చేశారు. ఖుషీ లాంటి బ్లాక్ బస్టర్ హిట్ తరువాత రెండేళ్లకు జానీ చిత్రాన్ని విడుదల చేశాడు, అలాగే జల్సా చిత్రం వచ్చిన మరో రెండేళ్లకు పులి మూవీ తో అభిమానులను పలకరించాడు. అలాంటి పవన్ వరుస సినిమాలు ప్రకటించడం ఆశ్చర్య పరిచే అంశం కాక ఇంకేమిటి. ఇక 2020లో కనీసం రెండు సినిమాలు విడుదలయ్యే అవకాశం కలదు. త్వరిత గతిన సినిమాలు చేయాలని నిశ్చయించుకున్న పవన్ మూడు సినిమాలు విడుదల చేసినా ఆశ్చర్యపడాల్సిన అవసరం లేదు. కాబట్టి పవన్ ఫ్యాన్స్ కి 2020 ఓ స్పెషల్ ఇయర్ అని చెప్పవచ్చు.

అల్లు అర్జున్ ఆస్తుల వివరాలు
అత్యధిక లాభాలు తెచ్చిపెట్టిన మీడియం రేంజ్ హీరోల సినిమాలు ఇవే..!