ఫిబ్రవరి నెల అంటేనే సినిమాలకి డ్రై సీజన్ గా భావిస్తుంటారు నిర్మాతలు, డిస్ట్రిబ్యూటర్లు. వారి లెక్క ఎప్పుడూ తప్పని ప్రూవ్ అయ్యింది లేదు. అందుకే ఫిబ్రవరి నెలలో పెద్ద సినిమాలు రిలీజ్ కావు.
ఒకవేళ రిలీజ్ అయినా అవి పెద్ద విజయాలు అందుకున్న సందర్భాలు కూడా లేవు అనే చెప్పాలి. ఈ 2026 ఫిబ్రవరి(2026 February) కూడా ఆల్మోస్ట్ సేమ్. ఈ నెల కూడా జస్ట్ పాసింగ్ క్లౌడ్ లా.. ఇలా వచ్చి అలా వెళ్ళిపోయింది.
ఫిబ్రవరి నెలలో గమనిస్తే… ‘యూఫోరియ’ ‘శ్రీ చిదంబరం గారు’ ‘దక్షిణకాళీ’ ‘సుమతీ శతకం’ ‘బరాబర్ ప్రేమిస్తా’ ‘ఎర్ర చీర’ ‘బ్లడ్ రోజేస్’ ‘హనీ’ ‘లగ్గం టైమ్’ ‘ఆపరేషన్ పద్మ’ ‘విత్ లవ్’ ‘ఫంకీ’ ‘అమరావతి కి ఆహ్వానం’ ‘స్కై’ ‘నిలవే’ ‘1+1 ఆఫర్’ ‘A బ్యూటిఫుల్ బ్రేక్ అప్’ ‘చడ పచ్చ’ ‘సీతా పయనం’ ‘కపుల్ ఫ్రెండ్లీ’ ‘హే బలవంత్’ ‘నవాబ్ కేఫ్’ ‘అల్ఫా’ ‘త్రిశంకు’ ‘బూకి’ (డబ్బింగ్) ‘విష్ణు విన్యాసం’ ‘ఉత్తుత్త హీరోలు’ ‘సన్ ఆఫ్’ ‘ఫోర్త్ ఫ్లోర్’
‘100 డేస్ లవ్ స్టోరీ’ ‘ది బ్లాక్ బైబిల్’ ‘ది రైజ్ ఆఫ్ అశోక’ ‘ది కేరళ స్టోరీ 2’ వంటి సినిమాలతో కలుపుకుని మొత్తంగా 40 వరకు సినిమాలు ఈ నెలలో రిలీజ్ అవ్వడం జరిగింది. ఇందులో ‘కపుల్ ఫ్రెండ్లీ’ ‘హే బల్ వంత్’ ‘విష్ణు విన్యాసం’ సినిమాలు బాక్సాఫీస్ వద్ద బాగానే పెర్ఫార్మ్ చేశాయి. డబ్బింగ్ సినిమాల్లో ‘విత్ లవ్’ కొంచెం ఓకే అనిపించింది. మిగతా సినిమాలన్నీ దుకాణం సర్దేశాయి.
