Prabhas: ప్రభాస్ దానయ్య మూవీ వెనుక అసలు కథ ఇదే!

స్టార్ హీరో ప్రభాస్ కు ప్రస్తుతం అంచనాలకు అందని స్థాయిలో క్రేజ్ ఉంది. వరుస సినిమాలతో ప్రభాస్ బిజీగా ఉన్న సంగతి తెలిసిందే. అయితే రెండు రోజుల నుంచి డీవీవీ దానయ్య నిర్మాతగా ప్రభాస్ హీరోగా ఒక సినిమా తెరకెక్కనుందని జోరుగా వార్తలు ప్రచారంలోకి వచ్చాయి. ప్రభాస్ ఈ సినిమాకు వెంటనే ఓకే చెప్పడానికి రెమ్యునరేషన్ కారణమని సమాచారం. ఆర్ఆర్ఆర్ సినిమా ద్వారా రిలీజ్ కు ముందే డీవీవీ దానయ్యకు ఊహించని స్థాయిలో లాభాలు వచ్చాయి.

ఆర్ఆర్ఆర్ విడుదలైన తర్వాత దానయ్యకు లాభాలు మరింత పెరిగే అవకాశం అయితే ఉందని ఇండస్ట్రీ వర్గాల్లో వినిపిస్తోంది. దానయ్య ప్రభాస్ హీరోగా ఒక సినిమాను తెరకెక్కించడానికి 100 కోట్ల రూపాయల రెమ్యునరేషన్ ఆఫర్ చేశారని ఈ మొత్తంలో 50 కోట్ల రూపాయలు అడ్వాన్స్ గా సింగిల్ పేమెంట్ గా ఇచ్చేశారని సమాచారం. ప్రభాస్ కు ఈ డీల్ నచ్చడంతో సినిమాకు వెంటనే గ్రీన్ సిగ్నల్ ఇచ్చారు. మరికొన్ని రోజుల్లో ఈ ప్రాజెక్ట్ కు సంబంధించిన అధికారిక ప్రకటన వచ్చే అవకాశాలు అయితే ఉన్నాయని సమాచారం అందుతోంది.

దానయ్య మెగా హీరోలకు కూడా అడ్వాన్స్ లు ఇచ్చారని పలువురు మెగా హీరోలతో దానయ్య సినిమాలను ప్లాన్ చేశారని సమాచారం. ఆర్ఆర్ఆర్ సినిమా తర్వాత కూడా వరుసగా సినిమాలను నిర్మించే విధంగా దానయ్య ప్లాన్ చేసుకుంటున్నారని తెలుస్తోంది. ప్రభాస్ తర్వాత సినిమాలు కూడా సక్సెస్ సాధిస్తే ప్రభాస్ మార్కెట్, రెమ్యునరేషన్ మరింత పెరిగే అవకాశాలు అయితే ఉంటాయని చెప్పవచ్చు. ప్రభాస్ నటించిన రాధేశ్యామ్, ఆదిపురుష్ ఈ ఏడాది రిలీజ్ కానున్నాయి.

ప్రభాస్ నటిస్తున్న సలార్ మూవీ రిలీజ్ డేట్ గురించి క్లారిటీ రావాల్సి ఉంది. ప్రభాస్ కు తెలుగు రాష్ట్రాలతో పాటు బాలీవుడ్ లో కూడా భారీస్థాయిలో ఫ్యాన్ ఫాలోయింగ్ ఉంది. ప్రభాస్ సినిమాకు యావరేజ్ టాక్ వచ్చినా కొత్త రికార్డులు క్రియేట్ కావడం గ్యారంటీ అనే కామెంట్లు ఇండస్ట్రీ వర్గాల్లో వినిపిస్తున్నాయి.

బంగార్రాజు సినిమా రివ్యూ & రేటింగ్!

Most Recommended Video

చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!
ఎన్టీఆర్ టు కృష్ణ.. ఈ సినీ నటులకి పుత్రశోఖం తప్పలేదు..!
20 ఏళ్ళ ‘టక్కరి దొంగ’ గురించి ఎవ్వరికీ తెలియని కొన్ని విషయాలు..!