త్రివిక్రమా మజాకా!

డైరక్టరే సినిమాకి హీరో అని మాటల మాంత్రికుడు త్రివిక్రమ్ శ్రీనివాస్ మరోసారి నిరూపించారు. ఆయన దర్శకత్వంలో వచ్చిన తాజా చిత్రం “అ.. ఆ”. ఇందులో నితిన్, సమంత జంటగా నటించారు. గురువారం ప్రపంచవ్యాప్తంగా విడుదలైన ఈ సినిమా అన్ని థియేటర్లలో హౌస్ ఫుల్ కలక్షన్ తో రన్ అవుతోంది. కుటుంబ కథా చిత్రంగా నిలిచిన అ..ఆ మూవీ శాటిలైట్ హక్కులను జీ తెలుగు చానెల్ పోటీ పడి కొనుక్కుంది. ఈ మధ్య తెలుగు టీవీ చానళ్లు కేవలం స్టార్ హీరోల సినిమాలను మాత్రమే కొనేందుకు ముందుకు వస్తున్నాయి.

చిన్న హీరోల సినిమాలను కొనడం మానేసాయి. కానీ యంగ్ హీరో నితిన్ నటించిన అ..ఆ సినిమా హక్కులను సొంతం చేసుకోవడానికి ఆసక్తి కనబరచాయి. ఎందుకంటే స్టార్ డైరక్టర్ త్రివిక్రమ్ సినిమా కాబట్టి ఆ క్రేజ్ వచ్చిందని బుల్లితెర వర్గాలు చెప్పాయి. స్టార్ హీరోల చిత్రాలకు సరిసమానంగా రూ. 6 కోట్లు పెట్టి “అ.. ఆ” శాటిలైట్ హక్కులను జీ తెలుగు సొంతం చేసుకుంది. దీంతో అందరూ త్రివిక్రమా.. మజాకా! అంటున్నారు.