‘సర్కారు వారి పాట’కి బ్యాంకు దొరికేసింది!

సూపర్‌స్టార్ మహేష్‌బాబు, ‘గీత గోవిందం’ ఫేమ్ పరశురాం కాంబినేషన్లో తెరకెక్కుతున్న చిత్రం ‘సర్కారు వారి పాట’’. ఈ సినిమా త్వరలోనే సెట్స్‌పైకి వెళ్లనుంది. కథ రీత్యా ఎక్కువ భాగం అమెరికాలో షూటింగ్ జరపాల్సి ఉంది. కానీ వీసా సమస్య రావడంతో అక్కడి షెడ్యూల్ వాయిదా పడింది. త్వరలోనే హైదరాబాద్ లో కీలకమైన షెడ్యూల్ మొదలుకానుంది. ఈ సినిమాలో ఓ కీలకమైన ఎపిసోడ్ బ్యాంకు నేపథ్యంలో సాగుతుంది. అది కూడా అమెరికా బ్యాంక్. దానికోసం అమెరికాలో షెడ్యూల్ ప్లాన్ చేశారు.

ఇప్పుడు ఆ బ్యాంక్ సెట్ హైదరాబాద్ లో వేస్తున్నారు. రామోజీ ఫిలిం సిటీలో బ్యాంక్ సెట్ కి సంబంధించిన పనులు జరుగుతున్నాయి. బ్యాంక్ ఎక్స్‌టీరియ‌ర్ కి సంబంధించిన స‌న్నివేశాల్ని అమెరికాలోనే తీస్తారట. దానికోసం అమెరికాలో ఓ బ్యాంక్ ని కూడా చూసుకున్నారు. ఆ బ్యాంక్ ఇంటీరియర్ కి తగ్గట్లుగా రామోజీ ఫిలిం సిటీలో సెట్ ని నిర్మిస్తున్నారు. ఇందులోనే కీలక సన్నివేశాలను చిత్రీకరించనున్నారు. బ్యాంకింగ్ రంగంలో జరిగే ఆర్థిక నేరాల నేపథ్యంలో ఈ సినిమా తెరకెక్కనున్నట్లు సమాచారం.

ఈ సినిమాలో కీర్తి సురేష్ హీరోయిన్ గా నటిస్తోంది. ఇక విలన్ పాత్ర కోసం ఉపేంద్ర‌, అర‌వింద్ స్వామి, అనిల్ క‌పూర్‌.. లాంటి నటుల పేర్లు వినిపించాయి. త్వరలోనే ఒకరిని ఫైనల్ చేయనున్నారు. మైత్రీ మూవీ మేకర్స్, 14 రీల్స్ ఎంటర్‌టైన్స్‌మెంట్స్, జీ ఎమ్ బీ ఎంటర్‌టైన్స్‌మెంట్స్ బ్యానర్లు సంయుక్తంగా భారీ బడ్జెట్‌తో ఈ సినిమాను తెరకెక్కిస్తున్నాయి.

Most Recommended Video

2020 Rewind: ఈ ఏడాది సమ్మోహనపరిచిన సుమధుర గీతాలు!
కొన్ని లాభాల్లోకి తీసుకెళితే.. మరికొన్ని బోల్తా కొట్టించాయి!
2020 Rewind: ఈ ఏడాది డిజాస్టర్ సినిమాలు ఇవే..!