‘గ్యాంగ్స్‌ ఆఫ్‌ గోదావరి’(Gangs of Godavari)… అన్నీ అనుకున్నట్లుగా జరిగితే ఈ సినిమా ఈపాటికే విడుదల కావాలి. అయితే వివిధ కారణాల వల్ల సినిమా విడుదల ఆగుతూ వచ్చింది. సినిమా షూటింగ్‌ పెండింగ్‌లో ఉండటం, రిలీజ్‌ డేట్ విషయంలో వివిధ రకాల ఆలోచనలు దీనికి కారణం. ఇప్పుడు ఇవన్నీ తేల్చుకుని సినిమా కొత్త రిలీజ్‌ డేట్‌ను నిర్ణయించారు. ఈసారి డేట్ చూస్తుంటే పక్కా ప్లాన్‌ చేసుకుని రిలీజ్‌ చేస్తున్నారని తెలుస్తోంది. అయితే ఎంతవరకు ఈ డేట్‌కి వస్తారు అనేది చూడాలి.
ఎన్నికల ప్రకటన రావడంతో టాలీవుడ్ అలెర్టయిపోయింది. ఎన్నికల వేడి ఐదేళ్లకు ఒకసారి ఉండేదే అయినా ఈ సారి ఆంధ్రప్రదేశ్ రాజకీయ పరిణామాలు రసవత్తరంగా ఉండటంతో… సినిమాల మీద ఎంతవరకు ఆసక్తి చూపిస్తారో అనే డౌట్‌ ఉంది. ఈ కారణంగానే చాలా సినిమాల డేట్స్‌ మారుతాయి అని అంటున్నారు. ఈ లిస్ట్‌లో పెద్ద పెద్ద సినిమాలు కూడా ఉన్నాయి అంటున్నారు. ఇవన్నీ చూసే సినిమాను మే 17న విడుదల చేస్తున్నారు. ఈ మేరకు టీమ్‌ అనౌన్స్‌ చేసేసింది.
అయితే అక్కడికి వారం ముందే ‘కల్కి 2898 ఏడీ’ (Kalki) సినిమా వస్తుంది కదా… ఎంత ధైర్యం ఉంటే ‘గ్యాంగ్స్‌ ఆఫ్‌ గోదావరి’ తీసుకొస్తున్నారు అనే డౌట్‌ ఉండొచ్చు. అయితే ఆ సినిమా రాదు అనే సమాచారమో, నమ్మకమో ఉండబట్టే ‘గ్యాంగ్స్‌ ఆఫ్‌ గోదావరి’ కొత్త డేట్ అని అంటున్నారు. ఇదంతా చూస్తుంటే ఈ సారి ‘గ్యాంగ్స్‌ ఆఫ్‌ గోదావరి’ టీమ్‌ ప్లాన్‌ భలే ఉంది అంటున్నారు సినీ గోయర్స్‌.
రిలీజ్‌కి టైమ్‌ ఉంది కాబట్టి ఈ లోపు ఏమన్నా పనులు ఉంటే చేసుకోవచ్చు. ప్రచారానికి కూడా సమయం చాలా ఉంటుంది. నిజానికీ ఈ సినిమా గత డిసెంబరులోనే రావాల్సింది. ఆ తర్వాత మార్చి 8 అనుకున్నారు. కానీ అవ్వేలదు. ఆ స్థానంలో ‘గామి’ (Gaami) సినిమా తీసుకొచ్చారు. మంచి విజయం అందుకున్నారు. ఇప్పుడు ఎన్నికల తర్వాత మళ్లీ వచ్చి హిట్‌ కొట్టే ఆలోచనలో ఉన్నారు.
రజాకర్ సినిమా రివ్యూ & రేటింగ్!
లంబసింగి సినిమా రివ్యూ & రేటింగ్!
సేవ్ ది టైగర్స్: సీజన్ 2 వెబ్ సిరీస్ రివ్యూ & రేటింగ్!
Home