Devi Sri Prasad: విషాదంలో దేవి శ్రీ ప్రసాద్ కుటుంబం.. కారణం అదే..!

September 17, 2021 / 01:20 PM ISTByFilmy Focus

Join Us

Devi Sri Prasad: విషాదంలో దేవి శ్రీ ప్రసాద్ కుటుంబం.. కారణం అదే..!

టాలీవుడ్ స్టార్ మ్యూజిక్ డైరెక్టర్, దేవి శ్రీ ప్రసాద్ ఇంట వరుస విషాదాలు చోటుచేసుకోవడం చర్చనీయాంశం అయ్యింది. ఇటీవల దేవి శ్రీ ప్రసాద్ బాబాయ్ గొర్తి బుల్లి బుల్గానిన్ గారికి యాక్సిడెంట్ అయ్యింది. ఆయనకి తీవ్రగాయాలు అయ్యాయి. స్థానికులు వెంటనే ఆయన్ని ఆసుపత్రికి తీసుకెళ్ళినా లాభం లేకపోయింది.చికిత్స పొందుతున్న సమయంలో ఆయన ప్రాణాలు కోల్పోయారు.ఆ వెంటనే తమ్ముడి మరణవార్త విన్న దేవి శ్రీ ప్రసాద్ మేనత్త కొమ్ముల సీతామహాలక్ష్మి కూడా హార్ట్ స్ట్రోక్ తో మరణించారు.

వరుసగా చోటు చేసుకున్న విషాదాలు దేవి శ్రీ ప్రసాద్ కుటుంబాన్ని విషాదంలోకి నెట్టేశాయని చెప్పాలి. పాటలు పాడుతున్నప్పుడు దేవి శ్రీ ప్రసాద్ ఎంతో యాక్టివ్ గా రాక్ స్టార్ లా కనిపించినప్పటికీ అతను చాలా సెన్సిటివ్ అన్న సంగతి ఎక్కువ మందికి తెలిసి ఉండదు. దేవి శ్రీ ప్రసాద్ ఇప్పుడు తీవ్ర దిగ్భ్రాంతికి గురయ్యారు. దీంతో ఇండస్ట్రీలోని పెద్దలు అతనికి ఫోన్ చేసి పరామర్శిస్తున్నట్టు సమాచారం.ఆల్రెడీ చిరంజీవి, మహేష్ బాబు వంటి స్టార్ హీరోలు దేవి శ్రీ కి ఫోన్ చేసి ధైర్యం చెప్పారని తెలుస్తుంది.

మరికొంతమంది సెలబ్రిటీలు దేవి శ్రీ ప్రసాద్ వద్దకు వెళ్ళి పరామర్శించినట్టు కూడా తెలుస్తుంది. ప్రస్తుతం దేవి శ్రీ ప్రసాద్… ‘పుష్ప’ ‘ఖిలాడి’ ‘భవదీయుడు భగత్ సింగ్’ ‘చిరు-బాబీ’ కాంబో మూవీ .. వంటి వాటికి సంగీతం అందిస్తూ బిజీగా గడుపుతున్నాడు.