చెయ్యి మాత్రమే చూపిస్తున్నారు.. #NBK108 సంగతేంటి?

March 22, 2023 / 12:04 AM ISTByFilmy Focus

Join Us

చెయ్యి మాత్రమే చూపిస్తున్నారు.. #NBK108 సంగతేంటి?

సినిమాకు కథ ఎంత ముఖ్యమో, ప్రమోషనూ అంతే ముఖ్యం. గత కొన్ని రోజులుగా టాలీవుడ్‌లో వస్తున్న సినిమాలు, వాటి ప్రచారాలు చూస్తుంటే ఎవరైనా ఈ విషయం చెప్పేస్తారు. సినిమాను ఎంత కష్టపడి తీస్తున్నారో, అంతకంటే ఎక్కువ కష్టపడి ప్రచారం చేస్తున్నారు. అప్పటికి కానీ ప్రేక్షకులు థియేటర్లకు రావడం లేదు. దీనికి ప్రారంభం అయితే టీజర్‌ పోస్టర్‌ అనే చెప్పాలి. అంటే సినిమా ఫస్ట్‌లుక్‌ పోస్టర్‌ రిలీజ్‌ చేసే ముందు వచ్చే పోస్టర్లను టీజర్‌ పోస్టర్‌ అనొచ్చు. ఇప్పుడు అదే పనిని #NBK108 టీమ్‌ సూపర్‌గా చేస్తోంది అని చెప్పొచ్చు.

#NBK108 సినిమాలో బాలయ్య నెవర్‌ బిఫోర్‌ అవతార్‌లో కనిపిస్తారని చెబుతున్నారు. ఈ సినిమా కోసం అనిల్‌ రావిపూడి చాలా రకాల ప్లాన్స్‌ వేసి బాలయ్య పాత్రను సిద్ధం చేశాడు. సగటు బాలయ్య సినిమాలా కాకుండా… కొత్తగా ఆలోచించి కథ, కథనం, పాత్ర చిత్రణను సిద్ధం చేసుకున్నారు అనిల్‌ రావిపూడి. ఇప్పటికే ఈ సినిమాకు సంబంధించిన లీక్‌లు వస్తున్నాయి కానీ.. ఎక్కడా బాలయ్య ఫేస్‌ కనిపించడం లేదు. ఆ మేరకు బలంగా షూట్‌ చేసుకుంటున్నారు.

అయితే సినిమా టీమ్‌ను అనౌన్స్‌ చేసే క్రమంలో ఓ కామన్‌ పాయింట్‌ను ఫాలో అవుతున్నారు. అదే హ్యాండ్‌ పంచ్‌. అంటే పోస్టర్‌లో రెండు చేతులు పంచ్‌ ఇచ్చుకుంటున్న చూపిస్తున్నారు. ఓ చేయి బాలకృష్ణది అయితే, రెండో చేయి పరిచయం చేస్తున్న నటి/నటుడుది. శ్రీలీల పాత్రను పరిచయం చేసినప్పుడు, ఇప్పుడు కాజల్‌ పాత్రను ఇంట్రడ్యూస్‌ చేసినప్పుడు ఇదే స్టైల్‌ను ఫాలో అయ్యారు. రెండు చేతులు పంచ్‌ ఇచ్చుకుంటున్న చూపించారు. దీంతో ఆ పంచ్‌లో ఏదో అర్థం ఉంది అనే చర్చ మొదలైంది.

ప్ర‌స్తుతం హైద‌రాబాద్‌లో ఈ సినిమా చిత్రీక‌ర‌ణ జ‌రుగుతోంది. సోమ‌వారం ఈ సినిమా సెట్లో కాజ‌ల్ అడుగు పెట్టింది. కాజ‌ల్ పాత్ర రెగ్యుల‌ర్ హీరోయిన్ పాత్ర‌ల‌కు భిన్నంగా ఉంటుంద‌ని, ఆమె పాత్ర ఎమోష‌న‌ల్‌గా సాగుతుంద‌ని చెబుతున్నారు. ఈ సినిమాను ఈ యేడాది చివ‌ర్లో గానీ, 2024 సంక్రాంతికి గానీ రిలీజ్‌ చేస్తారని సమాచారం. ఇదంతా ఓకే ఆ పంచ్‌ అర్థం ఏంటి.. అలాగే బాలయ్య చెయ్యి మీద ఉన్న టాటూ సంగతేంటి అనేది కూడా తెలియాల్సి ఉంది. అలాగే చేతికి ఉన్న కడియం సంగతి కూడా తేలాలి.