Salman Khan: ‘ఏంటమ్మా సాంగ్ వెనుక ఇంత కథ నడిచిందా?

April 6, 2023 / 01:01 PM ISTByFilmy Focus

Join Us

Salman Khan: ‘ఏంటమ్మా సాంగ్ వెనుక ఇంత కథ నడిచిందా?

సల్మాన్ ఖాన్ హీరోగా ‘కిసి క బాయ్ కిసి క జాన్’ అనే కొత్త సినిమా రూపొందింది. ఈ సినిమా తెలుగు ప్రేక్షకుల్ని కూడా టార్గెట్ చేస్తూ రూపొందింది అని స్పష్టమవుతుంది. ఎందుకంటే ఈ సినిమాలో వెంకటేష్, పూజా హెగ్డే వంటి స్టార్లు ఉన్నారు. ఏప్రిల్ 28 న ఈ మూవీ రిలీజ్ కాబోతోంది. ఈ సినిమా నుండి విడుదలైన పాటలు కూడా నిత్యం ఇంటర్నెట్ లో హాట్ టాపిక్ అవుతున్నాయి. ‘బతుకమ్మ’ పాట ఈ సినిమాలో ఉండడం ఓ విశేషంగా చెప్పుకోవాలి.

అలాగే ఇటీవల విడుదలైన ‘ఏంటమ్మా’ అనే పాట అయితే ఇప్పుడు ట్రెండింగ్లో ఉంది అని చెప్ప్పాలి.ఎందుకంటే ఈ పాటలో సల్మాన్ ఖాన్, వెంకటేష్ లతో పాటు రాంచరణ్ కూడా డాన్స్ చేశాడు. కాబట్టి రెండు మూడు రోజుల నుండి ఈ పాట తెగ వైరల్ అవుతుంది. చాలా మంది స్టేటస్ లు పెట్టి రచ్చ రచ్చ చేస్తున్నారు. అయితే ఈ పాట వెనుక చిన్న కథ కూడా దాగి ఉంది.

ఈ పాట చిత్రీకరణ మొత్తం ‘ఆచార్య’ సినిమా కోసం వేసిన ధర్మస్థలి సెట్ లో జరిగింది. ఆ సినిమాకి రాంచరణ్ కూడా ఓ నిర్మాత అన్న సంగతి తెలిసిందే. సల్మాన్ తో అతని స్నేహ బంధం గురించి ప్రత్యేకంగా చెప్పనవసరం లేదు. ఓ రోజు షూటింగ్ చూడటానికి అని వచ్చిన చరణ్ కు … సల్మాన్, వెంకీ ల తో కలిసి స్క్రీన్ షేర్ చేసుకోవాలి అనే ఫీలింగ్ కలిగిందట. ఇదే విషయాన్ని సల్మాన్ కు చెప్పాడు చరణ్. అందుకు సల్మాన్ ఒప్పుకోలేదట.

అయినా చరణ్ పట్టుబట్టడంతో నెక్స్ట్ రోజు రమ్మన్నాడట. అంతే ఆ నెక్స్ట్ రోజు చరణ్ మేకప్ వేసుకుని వచ్చేసినట్టు సల్మాన్ ఖాన్ (Salman Khan) ఓ ఇంటర్వ్యూలో చెప్పుకొచ్చాడు. జానీ మాస్టర్ కొరియోగ్రఫీలో రూపొందిన ఈ పాటకి రాంచరణ్ వేసిన స్టెప్పులు అదిరిపోయాయనే చెప్పాలి. అలాగే పూజా హెగ్డే మరోసారి తన థైస్ అందాలు కూడా ఈ పాటలో చూపించింది.