Balakrishna, Prasanth Varma: బాలయ్యతో అలాంటి మూవీ చేయాలని భావిస్తున్న ప్రశాంత్.. కానీ?

హనుమాన్ మూవీ బ్లాక్ బస్టర్ హిట్ గా నిలిచిన తర్వాత ప్రేక్షకులు, సినీ అభిమానులు బాలయ్య ప్రశాంత్ వర్మ కాంబో మూవీపై దృష్టి పెట్టారు. ఈ ప్రాజెక్ట్ కు సంబంధించి అధికారికంగా ఎలాంటి ప్రకటన రాకపోయినా హనుమాన్ సక్సెస్ సాధించిన నేపథ్యంలో ఈ కాంబోలో సినిమా ఖాయమని సినీ అభిమానులు ఫిక్స్ అయ్యారు. అయితే బాలయ్య ఎలాంటి పాత్రలో నటించినా ఆ పాత్రకు అద్భుతంగా న్యాయం చేయగల టాలెంట్ ఉన్న హీరో అనే సంగతి తెలిసిందే.

ప్రశాంత్ వర్మ బాలయ్యను ఆదిత్య369 తరహా కథాంశంతో తెరకెక్కే సినిమాలో నటించపజేయాలని భావిస్తున్నారు. బాలయ్య సినీ కెరీర్ లోనే ఆదిత్య369 సినిమాకు ప్రత్యేక స్థానం ఉంది. ఈ జనరేషన్ ప్రేక్షకులు సైతం ఆదిత్య369 సినిమాను ఎంతగానో అభిమానిస్తారు. అలాంటి కాన్సెప్ట్ తో బాలయ్య ప్రశాంత్ కాంబోలో సినిమా వస్తే మాత్రం సరికొత్త రికార్డులు క్రియేట్ అవుతాయని చెప్పడంలో ఏ మాత్రం సందేహం అవసరం లేదు.

బాలయ్య (Balakrishna) తన సినిమాల హిందీ డబ్బింగ్ ద్వారా బాలీవుడ్ ప్రేక్షకులకు పరిచయమయ్యారు. హనుమాన్ సినిమా సక్సెస్ తో నార్త్ లో సైతం ప్రశాంత్ వర్మకు మంచి పేరు వచ్చింది. బాలయ్య ప్రశాంత్ వర్మ కాంబినేషన్ లో సినిమా తెరకెక్కితే ఆ సినిమా పాన్ ఇండియా మూవీగా తెరకెక్కే ఛాన్స్ ఉంది. హనుమాన్ మూవీ సక్సెస్ తో ప్రశాంత్ వర్మ ఎక్కువ మొత్తం బడ్జెట్ ఇవ్వడానికి నిర్మాతలు వెనుకాడరు.

హనుమాన్ మూవీ ఇప్పటికే 110 కోట్ల రూపాయల షేర్ కలెక్షన్లను సాధించింది. ఫిబ్రవరి 9వ తేదీన సినిమాలు విడుదలయ్యే వరకు టాలీవుడ్ సినీ ప్రేక్షకులకు హనుమాన్ ఫస్ట్ ఛాయిస్ గా నిలుస్తుంది. ప్రస్తుతం ఈ సినిమా ఎక్కువ సంఖ్యలో థియేటర్లలో ప్రదర్శితమవుతోంది. అన్ని ఏరియాలలో ఈ సినిమా కలెక్షన్ల విషయంలో రికార్డులు క్రియేట్ చేస్తోంది. ఓవర్సీస్ లో సైతం హనుమాన్ మూవీ అరుదైన రికార్డులను సొంతం చేసుకుంది.

‘గుంటూరు కారం’ లో ఆకట్టుకునే డైలాగులు ఇవే.!

‘గుంటూరు కారం’ తో పాటు సంక్రాంతి సీజన్ వల్ల సేఫ్ అయిన 10 సినిమాల లిస్ట్.!
2023లో అభినయంతో ఆకట్టుకున్న అందాల భామలు.!