Eagle: ‘ఈగల్’ ఫస్ట్ సింగిల్ వచ్చేసింది.. ఎలా ఉందంటే?

‘టైగర్ నాగేశ్వరరావు’ తర్వాత మాస్ మహారాజ్ రవితేజ నుండి రాబోతున్న చిత్రం ‘ఈగల్’.కార్తీక్ ఘట్టమనేని దర్శకత్వంలో తెరకెక్కుతున్న ఈ చిత్రాన్ని ‘పీపుల్ మీడియా ఫ్యాక్టరీ’ సంస్థ పై టి.జి.విశ్వప్రసాద్, వివేక్ కూచిభొట్ల కలిసి నిర్మిస్తున్నారు. 2024 సంక్రాంతి కానుకగా జనవరి 13 న ఈ సినిమాను విడుదల చేస్తున్నట్లు మేకర్స్ ఎప్పుడో ప్రకటించారు. ఈ క్రమంలో ప్రమోషన్స్ ను కూడా షురూ చేశారు. టీజర్ ను ఆల్రెడీ విడుదల చేయగా తాజాగా ‘ఆడు మచ్చా’ అనే మాస్ సాంగ్ ను ఫస్ట్ ఫస్ట్ సింగిల్ గా విడుదల చేశారు.

డావ్ జాంద్ సంగీతంలో రూపొందిన ఈ పాట 3 నిమిషాల 31 సెకన్ల నిడివి కలిగి ఉంది. మాస్ ఆడియన్స్ ను టార్గెట్ చేసే విధంగా ఈ పాట ఉందని చెప్పాలి. జాతర సెటప్‍లో ఈ సాంగ్ ను పిక్చరైజ్ చేసినట్టు ఇందులోని విజువల్స్ చెబుతున్నాయి. గుబురు గడ్డంతో రవితేజ మరింత మాస్ గా కనిపిస్తూ వేసిన స్టెప్స్ కూడా హైలెట్ గా నిలిచాయి.

‘తురుపు తునక.. ఎరుపు బారెనే.. ఎగులు దునికి దుంకులాడెనే’ అంటూ మొదలైన ఈ పాట తర్వాత మరింత హై ఇస్తుంది అని చెప్పొచ్చు. రాహుల్ సిప్లిగంజ్ ఈ పాటని హుషారెత్తించే విధంగా పాడగా కళ్యాణ్ చక్రవర్తి లిరిక్స్ అందించారు. మాస్ ఆడియన్స్ అయితే మళ్ళీ మళ్ళీ వినే విధంగానే ఈ పాట ఉంది. ఒకసారి మీరు కూడా వినండి :

యానిమల్ సినిమా రివ్యూ & రేటింగ్!

దూత వెబ్ సిరీస్ రివ్యూ & రేటింగ్!
‘వీరమల్లు’ టు ‘ ఆర్.టి.జి.ఎం 4’ హోల్డ్ లో పడిన 10 ప్రాజెక్టులు ఇవే..!