అమీర్ ఖాన్ మాజీ భార్య లైఫ్ లో అలాంటి ఘటనలా.. ఏం జరిగిందంటే?

బాలీవుడ్ ఇండస్ట్రీలో అమీర్ ఖాన్ కు (Aamir Khan) ఉన్న క్రేజ్, ఫ్యాన్ ఫాలోయింగ్, పాపులారిటీ గురించి ప్రత్యేకంగా చెప్పాల్సిన అవసరం అయితే లేదు. కిరణ్ రావు (Kiran Rao) అమీర్ ఖాన్ మాజీ భార్య అనే సంగతి తెలిసిందే. 2005 సంవత్సరంలో అమీర్ ఖాన్ కిరణ్ రావు పెళ్లి జరిగింది. ఈ దంపతులకు ఆజాద్ అనే కొడుకు ఉన్నాడు. ఐవిఎఫ్ సరోగసి విధానం ద్వారా కిరణ్ రావు తల్లయ్యారు. మూడేళ్ల క్రితం అమీర్ ఖాన్ కిరణ్ రావు విడాకులు తీసుకున్నారు.

సాధారణంగా విడాకులు తీసుకున్న తర్వాత భార్యాభర్తలు ఒకరి గురించి మరొకరు ప్రస్తావించడానికి ఆసక్తి చూపరు. అయితే అమీర్ ఖాన్ కిరణ్ రావు మాత్రం విడిపోయిన తర్వాత కూడా స్నేహితులుగా ఉంటున్నారు. అయితే కిరణ్ రావు తాజాగా ఒక సందర్భంలో వ్యక్తిగత జీవితంలో ఎదురైన చేదు అనుభవాల గురించి ఆసక్తికర విషయాలను వెల్లడించగా ఆ విషయాలు నెట్టింట వైరల్ అవుతున్నాయి.

దోబి ఘాట్ సినిమా సమయంలో ఆజాద్ పుట్టాడని అప్పటికే నేను పిల్లలు కావాలని ఎంతో ప్రయత్నించానని కిరణ్ రావు తెలిపారు. ఆ ఐదేళ్లలో ఎన్నోసార్లు అబార్షన్ అయిందని శారీరక, మానసిక ఆరోగ్యం దెబ్బ తిందని ఒక పాప లేదా బాబును పొందడం ఇంత కష్టమా అని అనిపించిందని కిరణ్ రావు కామెంట్లు చేశారు. బిడ్డకు జన్మనివ్వాలని భావించిన నేను సరోగసి ద్వారా తల్లిని కావడం మరింత సంతోషాన్ని కలిగించిందని ఆమె కామెంట్లు చేశారు.

ఆజాద్ జన్మించడంతో తల్లిగా తనను ప్రేమగా పెంచాలని డిసైడ్ అయ్యానని ఆమె వెల్లడించడం గమనార్హం. తనతో లైఫ్ ను ఆనందంగా గడిపానని ఆమె పేర్కొన్నారు. పది సంవత్సరాల పాటు సినిమా ఇండస్ట్రీకి దూరంగా ఉన్నానని కిరణ్ రావు వెల్లడించారు. ఎందుకంటే ఆ రోజులను ఆజాద్ కోసం కేటాయించడం జరిగిందని ఆమె అన్నారు. కిరణ్ రావు చెప్పిన విషయాలు నెటిజన్లను ఎంతగానో ఆకట్టుకుంటున్నాయి.